Salmau 54 - New Metrical Psalms 2008 (Gwynn ap Gwilym)

SALM 54Enw Duw yn gynhaliaethMannheim 87.87.87

1-3Arglwydd, gwared fi trwy d’enw;

A thrwy d’allu – nerthol yw –

Cyfiawnha fi. Gwrando ’ngweddi;

Geiriau dwys fy ngenau clyw.

Gwŷr trahaus sy’n ceisio ’mywyd,

Na feddyliant ddim am Dduw.

4-7Ti, O Dduw, yw ’nghynorthwywr;

Ti sy’n cynnal f’einioes i.

Cosba hwy trwy dy wirionedd.

Molaf byth dy enw di.

Dros gyfyngder a gelynion

Fe’m gosodaist i mewn bri.