Salmau 99 - New Metrical Psalms 2008 (Gwynn ap Gwilym)

SALM 99Dyrchafwch Dduw SeionBlaen-cefn 87.87.44.7

1-3Y mae’r Arglwydd Dduw yn frenin;

Cryna’r bobl, ysgydwa’r byd.

Fe’i gorseddwyd ef yn Seion

Goruwch y cerwbiaid mud.

Dyrchafedig

Ydyw. Moled

Pawb ei enw – sanctaidd yw.

4-5Frenin cryf, fe gâr gyfiawnder,

A sylfaenydd tegwch yw;

Gwnaeth uniondeb barn yn Jacob.

O dyrchafwch bawb ein Duw,

Ac ymgrymwch

Wrth ei droedfainc –

Sanctaidd, sanctaidd ydyw ef.

6-7Yr oedd Moses gynt, ac Aaron

Ymhlith ei offeiriaid ef;

Samuel yn broffwyd iddo;

Yn y golofn niwl o’r nef

Fe’u hatebodd,

A chadwasant

Dystiolaethau Duw a’i ddeddf.

8-9Arglwydd Dduw, rhoist ateb iddynt;

Duw yn maddau fuost ti,

Ond yn dial eu camweddau.

O dyrchafwch ein Duw ni,

Ac ymgrymwch

Yn ei fynydd –

Sanctaidd, sanctaidd yw ein Duw.