Salmau 23 - New Metrical Psalms 2008 (Gwynn ap Gwilym)

SALM 23Yr Arglwydd yw fy mugailDominus Regit Me MS

1-2Yr Arglwydd yw fy mugail i,

Ac ni bydd eisiau arnaf.

Mewn porfa fras gorffwyso a gaf;

Ger dyfroedd braf gorweddaf.

3Mae yn f’adfywio yn ddi-frys

A’m tywys yn garuaidd.

Hyd ffyrdd cyfiawnder mae’n fy nwyn,

Er mwyn ei enw sanctaidd.

4Mewn dyffryn tywyll du ni chaf

Nac anaf byth na dolur;

A thi o’m blaen, fe rydd dy ffon

A’th wialen dirion gysur.

5Arlwyi fwrdd o’m blaen, a’m llu

Gelynion i yn gwylio,

Eneinio ’mhen ag olew glân.

Mae ’nghwpan yn gorlifo.

6Daioni a thrugaredd fydd

O’m hôl bob dydd o’m bywyd;

Ar hyd fy oes mi fyddaf byw

Yn nhŷ fy Nuw mewn gwynfyd.