Salmau 56 - New Metrical Psalms 2008 (Gwynn ap Gwilym)

SALM 56Duw o’m tuAbbot’s Leigh 87.87 D

1-4Bydd drugarog wrthyf, Arglwydd.

Mae ’ngelynion i yn llu

Yn ymosod arnaf beunydd

A’m gorthrymu ar bob tu.

Cod fi i fyny yn nydd fy arswyd;

Rwy’n ymddiried ynot ti.

Molaf d’air, heb ofni rhagor.

Beth all neb ei wneud i mi?

5-9Maent o hyd yn stumio ’ngeiriau;

Ceisiant imi niwed mwy.

Tâl di iddynt am eu trosedd;

Yn dy ddig, darostwng hwy.

Rhoist fy nagrau yn dy gostrel,

F’ocheneidiau yn dy sgrôl.

Yn y dydd y galwaf arnat

Troir fy ngelyn yn ei ôl.

10-13Hyn a wn, fod Duw o’m hochr.

Molaf d’air, ac ynot ti

Ymddiriedaf byth heb ofni.

Beth all neb ei wneud i mi?

Talaf f’addunedau gydag

Ebyrth diolch iti, Dduw,

Cans fe’m dygaist o byrth angau

I oleuni tir y byw.