Salmau 146 - New Metrical Psalms 2008 (Gwynn ap Gwilym)

SALM 146Gwyn fyd y sawl sy’n ymddiried yn NuwDiademata 66.86.D

1-4Molwch yr Arglwydd Dduw.

Fy enaid, mola di

Yr Arglwydd da: tra byddaf byw

Ei fawl a ganaf fi.

Nac ymddiriedwch ddim

Yn nhywysogion byd,

Cans darfod a wnânt hwy yn chwim

A’u holl gynlluniau i gyd.

5-7Gwyn fyd y sawl y daeth

Duw Jacob ato ef,

Sy â’i obaith yn yr un a wnaeth

Y tir a’r môr a’r nef –

Y Duw sy’n cyfiawnhau

Y tlawd, yn rhoddi bwyd

I’r rhai newynog, yn rhyddhau

Y carcharorion llwyd.

8-10Golwg a rydd i’r dall;

Uniona’r rhai sy’n gam;

Fe geidw’r dieithr yn ddi-ball

A’r weddw rhag pob cam.

Mae’n caru’r da i gyd,

Ond dryllia’r drwg o’u tref.

Duw Seion a deyrnasa hyd

Byth bythoedd. Molwch ef.