Salmau 136 - New Metrical Psalms 2008 (Gwynn ap Gwilym)

SALM 136Byth fe bery ei gariadThis joyful Eastertide (Vreuchten) 67.67.D

1-9Diolchwch oll i Dduw,

Cans da yw Duw y duwiau.

Arglwydd arglwyddi yw;

Mae’n gwneud mawr ryfeddodau:

Y byd a’r wybren dlos,

Yr haul liw dydd, a’r lleuad

A’r sêr yn olau i’r nos,

Cans byth fe bery ei gariad.

10-15Fe drawodd blant yr Aifft,

A daeth ag Israel allan.

Ag estynedig fraich

A nerth ei law ei hunan,

Fe’n dygodd trwy’r Môr Coch,

Ond taflu’r Pharo anfad

A’i lu i’r dyfroedd croch,

Cans byth fe bery ei gariad.

16-26Fe’n dug trwy’r anial hir,

A lladd brenhinoedd cryfion,

A rhoi i ni eu tir

Yn etifeddiaeth dirion.

Gwaredodd ni, ac ef

Sy’n bwydo pawb drwy’r cread.

Diolchwch i Dduw’r nef,

Cans byth fe bery ei gariad.