Salmau 15 - New Metrical Psalms 2008 (Gwynn ap Gwilym)

SALM 15Gwestai’r ArglwyddStuttgart 87.87

1Pwy gaiff ganiatâd i aros

Yn dy babell di, fy Nuw?

Yn dy fynydd sanctaidd, Arglwydd,

Pwy gaiff ganiatâd i fyw?

2-3aUn sy’n byw yn gywir, onest,

Gwneud cyfiawnder ar ei daith,

Nad oes malais ar ei dafod,

Na wna ddrwg i’w gyfaill chwaith.

3b-4aUn nad ydyw’n goddef enllib

Am gymydog, ac sy’n byw

I ddirmygu yr ysgymun,

Parchu’r rhai sy’n ofni Duw.

4b-5Un sy’n cadw’r llw a dyngodd,

Llog ar arian byth ni fyn,

Nad yw’n twyllo y diniwed,

Ni symudir a wna hyn.