Salmau 108 - New Metrical Psalms 2008 (Gwynn ap Gwilym)

SALM 108Gwnawn wrhydri gyda DuwGuiting Power 85.85.7.8

1-3Cadarn wyf, O Dduw, a theyrngar.

Mi ddeffrôf yn awr,

Ac â’m crwth a’m telyn lafar,

Fel y tyrr y wawr,

Rhoddaf ddiolch iti’n rhwydd,

O Arglwydd, gyda phobloedd byd.

4-6Cans ymestyn mae dy gariad

Hyd y nefoedd fry.

Cyfod, Dduw, a thros y cread

Boed d’ogoniant di.

Er mwyn gwared d’annwyl rai,

O maddau’n bai, ac ateb ni.

7-8aFe lefarodd y Goruchaf:

“Af i fyny’n awr;

Dyffryn Succoth a fesuraf,

Rhannaf Sichem fawr.

Mae Gilead, led a hyd,

Manasse i gyd yn eiddo i mi.

8b-9Effraim yw fy helm, a Jwda

Fy nheyrnwialen wir.

Moab ydyw fy ymolchfa,

A thros Edom dir

Taflaf f’esgid. Caf foddhad

Yn erbyn gwlad Philistia i gyd”.

10-13Pwy a’m dwg i’r ddinas gaerog?

Pwy, O Dduw, ond ti?

Er it wrthod ein llu arfog,

Rho dy help i ni.

Gwnawn wrhydri gyda Duw,

Cans ofer yw ymwared dyn.