Salmau 67 - New Metrical Psalms 2008 (Gwynn ap Gwilym)

SALM 67Bydded Duw’n drugarogRachie 65.65.D a chytgan

1-2Bydded Duw’n drugarog

A’n bendithio o’r nef;

Bydded arnom lewyrch

Claer ei wyneb ef,

Fel y byddo’i allu’n

Hysbys i’r holl fyd,

Ac y prawf pob cenedl

Ei achubiaeth ddrud.

3Bydded i’r holl bobloedd

Dy foliannu, O Dduw.

Moled yr holl bobloedd

Di, a’u ceidw’n fyw.

4Bydded i’r cenhedloedd

Orfoleddu i gyd;

Llawenhaed y gwledydd,

Cans rwyt ti o hyd

Yn eu llywodraethu’n

Gyfiawn ac yn goeth.

Mae cenhedloedd daear

Dan d’arweiniad coeth.

5Bydded i’r holl bobloedd

Dy foliannu, O Dduw.

Moled yr holl bobloedd

Di, a’u ceidw’n fyw.

6-7Rhoes y ddaear inni

Ei chynhaeaf hael.

Rhoes yr Arglwydd in ei

Fendith yn ddi-ffael.

Ac am iddo roddi

Inni’r fendith hon,

Ofned holl derfynau’r

Ddaear ger ei fron.

3/5 Bydded i’r holl bobloedd

Dy foliannu, O Dduw.

Moled yr holl bobloedd

Di, a’u ceidw’n fyw.