Salmau 93 - New Metrical Psalms 2008 (Gwynn ap Gwilym)

SALM 93Gorsedd ddi-syfl DuwDown Ampney 6.6.11.D

1-2Y mae yr Arglwydd Dduw

Yn frenin; mawredd yw

Ei wisg, ac y mae cryfder iddo’n wregys.

Di-syfl, yn wir, yw’r byd,

A’th orsedd di o hyd;

Yr wyt er tragwyddoldeb yn Dduw grymus.

3-5Fe gododd dyfroedd lu

A thonnau’r môr eu rhu,

Ond cryfach ydyw Duw na’u holl enbydrwydd.

Mi wn mai sicr yw

Holl dystiolaethau Duw;

Sancteiddrwydd byth sy’n gweddu i’th dŷ, O Arglwydd.