Salmau 98 - New Metrical Psalms 2008 (Gwynn ap Gwilym)

SALM 98Cyfarchwch yr Arglwydd, y breninRavenshaw 66.66

1Canwch oll i’r Arglwydd

Newydd gân, oherwydd

Gwnaeth weithredoedd odiaeth;

Cafodd fuddugoliaeth.

2Rhoddodd Duw wybodaeth

Am ei iachawdwriaeth.

Dengys ei gyfiawnder

I genhedloedd lawer.

3Deil ei serch yn ddiogel

At ei bobl, Israel.

Cafodd pob tiriogaeth

Weld ei iachawdwriaeth.

4Rhowch i Dduw wrogaeth,

Yr holl ddaear helaeth.

Canwch mewn llawenydd,

A rhowch fawl yn ddedwydd.

5-6Canwch iddo â thannau

Telyn a thympanau.

Rhowch wrogaeth ddibrin

O flaen Duw, y brenin.

7-8Rhued tir ac eigion,

A phawb o’u trigolion.

Llawenhaed y dyfroedd.

Caned y mynyddoedd.

9Cans mae Duw yn dyfod.

Barna’r ddaear isod:

Barnu’r byd yn gyfiawn,

Barnu’r bobl yn uniawn.