Salmau 100 - New Metrical Psalms 2008 (Gwynn ap Gwilym)

SALM 100Rhowch wrogaeth i’r ArglwyddBelmont MC

1-2O rhowch wrogaeth, yr holl fyd,

Ynghyd i’r Arglwydd glân.

Ei foliant rhowch yn llon ar daen,

A dewch o’i flaen â chân.

3Gwybyddwch mai yr Arglwydd yw

Y Duw a’n gwnaeth bob un,

A ninnau’n ddefaid ei borfeydd,

Ei bobl, ei eiddo’i hun.

4Â diolch dewch i mewn i’w byrth,

A chydag ebyrth mawl.

Diolchwch, a bendithiwch Dduw,

Cans dyna yw ei hawl.

5Oherwydd da yw’r Arglwydd byth;

Di-lyth ei gariad ef,

A phery ei ffyddlondeb hyd

Y pery’r byd a’r nef.