Salmau 11 - New Metrical Psalms 2008 (Gwynn ap Gwilym)

SALM 11Llochesu yn NuwDusseldorf 87.87.D

1-3Yn yr Arglwydd cefais loches.

Beth yw diben dweud mor ffôl:

“Ffo i’r mynydd fel aderyn”,

A’r drygionus ar fy ôl?

Plyg ei fwa, yna saethu

Yn y caddug at y da.

Os dinistrir y sylfeini,

Yr un cyfiawn – beth a wna?

4-7Gwêl yr Arglwydd ar ei orsedd

Yn ei deml yn y nef

Ni feidrolion, ac fe’n profir

Gan ei lygaid tanbaid ef.

Glawia farwor tân a brwmstan

Ar y drwg, a gwynt di-hedd.

Cyfiawn yw, a châr gyfiawnder.

Caiff yr uniawn weld ei wedd.