Salmau 120 - New Metrical Psalms 2008 (Gwynn ap Gwilym)

SALM 120Gweddi am heddwchLlantrisant 88.88

1-2Gwaeddais ar yr Arglwydd tyner,

“Tyrd i’m gwared o’m cyfyngder,

Rhag y genau drwg, twyllodrus,

A rhag tafod sy’n enllibus”.

3-4Beth yn fwy a roddaf iti,

Dafod drwg sy’n fy nifenwi?

Rwyt fel saethau llym rhyfelwr,

Marwor eirias yw dy ddwndwr.

5Gwae fy mod i yn ymdeithio

Yn nhir Mesach, ac yn trigo

Ymysg pebyll alltud Cedar,

Ymhlith pobl estron, anwar.

6-7Yn rhy hir bûm fyw mewn dryswch

Gyda’r rhai na charant heddwch.

Yr wyf fi am heddwch tawel,

Ond maent hwythau’n mynnu rhyfel.