Salmau 123 - New Metrical Psalms 2008 (Gwynn ap Gwilym)

SALM 123Arglwydd, trugarhaAr gyfer heddiw’r bore 73.73.7773.73

1-2Mi dremiaf i’r entrychoedd

Atat ti,

Sy’n eistedd yn y nefoedd,

Atat ti.

Fel y mae llygaid gweision

A llygaid caethforynion

Yn gwylio llaw’r meistradon,

Gwyliwn di,

Nes deui, Arglwydd graslon,

Atom ni.

3-4O bydd dugarog wrthym,

Arglwydd Dduw.

Tyrd i’n gwaredu’n gyflym,

Arglwydd Dduw.

Oherwydd cawsom ddigon

O wawd a dirmyg beilchion

Ac amarch cyfoethogion,

Arglwydd Dduw.

O trugarha yr awron,

Arglwydd Dduw.