Salmau 113 - New Metrical Psalms 2008 (Gwynn ap Gwilym)

SALM 113Pwy sydd fel yr Arglwydd?Hengoed 10.7.7.7.9

1-3Molwch yr Arglwydd, weision yr Arglwydd;

Molwch ef tra byddoch byw.

O gyfodiad haul hyd wawl

Ola’r machlud, traethwch fawl

A bendigwch yr Arglwydd ein Duw.

4-6Uchel yw’r Arglwydd, uwch y cenhedloedd,

Uwch ei ogoniant na’r nef.

Uchel yw ei orsedd fawr,

Eto i gyd, mae’n gwyro i lawr

At yr isel. Pwy’n wir sydd fel ef?

7-9Cwyd rai mewn angen o lwch y domen

At dywysogion i fyw.

Teulu i’r wraig ddi-blant a rydd,

A mam falch i feibion fydd.

Molwch, molwch yr Arglwydd ein Duw.