Salmau 149 - New Metrical Psalms 2008 (Gwynn ap Gwilym)

SALM 149Emyn o fuddugoliaethSlane 11.11.11.11

1-2O molwch yr Arglwydd! Boed newydd eich cân

Ymhlith cynulleidfa’r ffyddloniaid yn dân.

Boed Israel yn llon yn ei chrëwr a’i Duw,

Clodfored plant Seion eu brenin a’u llyw.

3-5Â thympan a thelyn, ar ddawns ysgafn droed

Moliannwch! Mae’n Duw’n caru’i bobl erioed.

Mae’n gwared y gwylaidd. O bydded i’r saint

Roi mawl mewn gogoniant gan gymaint eu braint.

6-8Molianned eu genau ein Duw yn ddi-daw.

Boed cleddyf daufiniog yn noeth yn eu llaw

I ddial ar wledydd a phobloedd y byd,

A rhwymo â chadwynau’r brenhinoedd i gyd.

9Cans hon ydyw’r farn sydd i ddod arnynt hwy –

Yr heyrn a’r hualau; ac yna byth mwy

Teyrnasa cyfiawnder yr Arglwydd; ef yw

Gogoniant y ffyddlon. O molwch ein Duw!