Salmau 61 - New Metrical Psalms 2008 (Gwynn ap Gwilym)

SALM 61Gweddi am noddfaBemerton 65.65

1-2aO Dduw, clyw fy ngweddi,

Gwrando ar fy nghri.

Rwyf ymhell oddi wrthyt,

Pallodd f’ysbryd i.

2b-3Dwg fi at graig uchel.

Buost gysgod siŵr

Imi rhag y gelyn,

Ac yn gadarn dŵr.

4Caniatâ imi aros

Yn dy babell byth.

Gad im dan d’adenydd

Beunydd wneud fy nyth.

5Clywaist ti, O Arglwydd,

F’addunedau i.

Caniatei ddymuniad

Pawb sy’n d’ofni di.

6-7Estyn ddyddiau’r brenin,

A’i hiliogaeth ef.

Gwylia drosto â’th gariad

A’th drugaredd gref.

8Molaf byth dy enw.

Talaf tra bwyf byw

F’addunedau beunydd

Iti, O fy Nuw.