Salmau 117 - Welsh Metrical Psalms by William Rees 1875

SALM CXVII.8.7.

1Molwch Iôr, yr holl genhedloedd;

Molwch ef, holl bobloedd byd;

2Canys mawr yw ei drugaredd

Ef i ni bob dydd o hyd;

A’i wirionedd bery hefyd

Yn dragywydd. Molwch ef,

Holl dylwythau meibion dynion,

Yn mhob gwlad o dan y nef.

Nodiadau.

Hon ydyw y feraf o’r salmau, ond y mae ei thestyn yn fawr. Cyfeiria yr apostol ati (Rhuf. xv. 11) fel prophwydoliaeth o’r Hen Destament at alwedigaeth y Cenhedloedd trwy’r efengyl. Yn y rhagolwg ar anfeidrol raslonrwydd Duw yn yr alwad hono, geilw y Salmydd ar yr holl genhedloedd a’r bobloedd i’w derbyn a’i chroesawu gyda llawenydd a diolchgarwch.