Salmau 70 - Welsh Metrical Psalms by William Rees 1875

SALM LXX.M. S.I’r Pencerdd, Salm Dafydd i goffa.

1Prysura i’m gwared, O! fy Naf,

O! brysia ataf weithion;

A dyro gymmhorth

2rhag y blaid

A geisiant f’ enaid gwirion.

Rhai ewyllysiant i mi ddrwg,

3Dattröer dan ŵg a ch’wilydd;

Rhai dd’wedant wrthyf fi, Ha! Ha!

Mawr fyddo ’u trahâ beunydd.

4Llawenydd a gorfoledd fo

I bawb a’th geisio, Arglwydd;

D’weded a garant d’ enw gwiw,

Mawryger Duw ’n dragywydd.

5Tlawd ac anghenus ydwyf fi,

O! meddwl di am danaf;

Fy nghymmhorth a’m gwaredydd da,

O! brysia, brysia ataf.

Nodiadau.

Yr un yn mron yn hollol a’r ddeugeinfed salm, o adn. 13, yw y salm hon hyd y diwedd. Dichon ddarfod i Dafydd, ar ryw achlysur o drallod, yn mhen amser ar ol iddo gyfansoddi y flaenaf, gymmeryd y gyfran olaf hon o honi i’w chymmhwyso i wasanaeth y cyssegr ar yr achlysur hwnw.