1NGOMNYAKA wokufa kwokumkani u‐Huziya, ndaza ndabona inkosi ihleli pezu kweterone ende epakamileyo, ati amasondo esivato sayo azalisa itempile.
2Iserafime zema ngakuyo: zibe zinamapiko amatandatu ezinye ngezinye; ngamabini zagubungela ubuso bazo, nangamabini zagubungela inyawo zazo, nangamabini zapapazela.
3Enye yabiza kwenye, yati: Uyingcwele, uyingcwele, uyingcwele, uyehova wemikosi; umhlaba wonke uzele bubungcwalisa bake!
4Kanjalo amaseko eminyango azamazama ngenxa yelizwi yaleyo ibizileyo, yati indlu yazaliswa ngumsi.
5Ndaza ndati: Au mna! sendibuba; ngokuba ndingumntu omlomo unco̔lileyo, ndihleli nje pakati kwabantu abamilomo inco̔lileyo kanjalo; ngokuba amehlo am ebonile ukumkani, uyehova wemikosi.
6Yandula yabalekela kum enye kuzo iserafime, inelahle elivutayo esandleni sayo ilitabatileyo ngesitabatelo esibingelweni;
7yacukumisa ngalo umlomo wam, yati: Bona ke, eli licukumisile umlomo wako; ngako inkohlakalo yako isusiwe, nesono sako sixolelwe.
8Ndaza ndeva ilizwi lenkosi, isiti: Ngubanina lowo endiya kumtuma, ngubanina nalowo oya kusiyela? Ndaza ndati: Nanku ndilapa; nditume mna.
9Yayisiti: Hamba uye uti kwababantu:
Hlalani nisiva, nize ningaqondi; hlalani nibona, nize ningaqiqi.
10Yenza intliziyo yababantu idikwe; nendlebe zabo zenze nzima, namehlo abo wacime; hleze babone ngamehlo abo, beve ngendlebe zabo, baqonde ngentliziyo zabo, baguquke, bapiliswe.
11Ndaza ndati: Kude kube ninina, Nkosi? Yayisiti: Kude kucitakaliswe izixeko zingabi nabemi, nezindlu zingabi nabantu, nelizwe ligqityelwe ukucitakaliswa,
12ati uyehova abafudusele kude abantu, nokushiyiweyo kube kukulu pakati kwelizwe.
13Nakuba kuseko kulo isahlulo seshumi, sobuya sitshiswe kwa sona; noko, njengomti weterebinte nanjengomti weyeke, eti yakuwiswa kuko isipunzi kuyo, kwa njalo inzalo engcwele yoba sisipunzi saso.
Who We AreWhat We EelieveWhat We Do
2025 by iamachristian.org,Inc All rights reserved.
