1KUNGANINA, Yehova! ukuba ume kude? kunganina ukuba uzimele ngamaxesha obunzima?
2Okohlakeleyo nger̔atshi uyatshutshisa ihlwempu. Mababanjwe kwa ngamaqinga abawaqingileyo.
3Ngokuba okohlakeleyo eqa̔yisa ngenkanuko yompefumlo wake; ubonga obawela inzuzo, edela uyehova.
4Okohlakeleyo, ngokuqanqalaza kwake, akayi kufuna u‐Tixo; onke amaqinga ake ati akuko tixo.
5Indlela zake ziqinile ngamaxesha onke; imigwebo yako ipezulu kude kuye; intshaba zake zonke uyazicekisa.
6Ute entliziyweni yake: Andiyi kushukunyiswa kwa napakade; ngokuba ndingeselishweni.
7Umlomo wake uzele kukutuka, nayinkohliso, nabubuqinga: pantsi kwolwimi lwake kuko ububi nenkohlakalo.
8Uhleli ezindaweni zokulalela zemizi; ezindaweni zangasese uyabulala ongenatyala; amehlo ake ayazifihlela olusizi.
9Uyalalela ngasese, njengengonyama eludadeni; uyalalela ukubamba ihlwempu; uyabamba ihlwempu akulir̔olela elutanjeni lwake.
10Uyazigoba, uyancatama, ukuba abalusizi bawe ngento zake zamandla.
11Ute entliziyweni yake: Utixo ulibele; ubufihlile ubuso bake; akasayi kuza abone.
12Vuka, Yehova! Tixo, pakamisa isandla sako! ungalibali ababandezelweyo.
13Yinina ukuba okohlakeleyo adele utixo? Ute entliziyweni yake: Akuyi kubuza.
14Ubonile noko; ngokuba wena ugqala ubunzima nenkatazo, ukuze upindezele ngesandla sako; olusizi uyazilahlela kuwe; ungumncedi wenkedama wena.
15Yapula ingalo yokohlakeleyo nongalungileyo: buza inkohlakalo yake ude ungabi sayifumana.
16 Uyehova ungukumkani kude kube ngunapakade: abaheyideni batshabalele elizweni lake.
17Inkanuko yabalulamileyo uyivile, Yehova! uya kulungisa intliziyo yabo; uya kubeka indlebe yako;
18ukuba ugwebele inkedama noncinezelweyo, aze umntu wasemhlabeni angabi sabatusa.
Who We AreWhat We EelieveWhat We Do
2025 by iamachristian.org,Inc All rights reserved.
