1KANJAKO ukuba ngumbingo woxolo umnikelo wake: ukuba uyanikela ngenkomo, nokuba yinkunzi, nokuba yimazi, woyinikela emsulwa ebusweni bukayehova.
2Waeya kulalisa isandla sake pezu kwentloko yomnikelo wake, awuxe̔le ngaselucangweni lwentente yentlangano; boti onyana baka‐Arone, abaperisite, basasaze igazi pezu kwesibingelo ngento engqongayo:
3andule awunikele uvela kulombingo woxolo umnikelo owenziwa ngomlilo kuyehova; inqata eligubungela umbilini, nalo lonke inqata elipezu kwombilini,
4nezintso zombini, nenqata elipezu kwazo, elingasezintsendweni; nendawo ezizengezelayo pezu kwesibindi, kunye nezintso, wozisusa.
5Baye onyana baka‐Arone beya kutshisa lona esibingelweni, pezu kwedini lokutshiswa, elipezu kwenkuni ezisemlilweni: ngumnikelo owenziwa ngomlilo, wevumba elimnandi kuyehova.
6Ukuba kanjalo uvela ezinkomeni ezincinane umnikelo wake, ube ngumbingo woxolo kuyehova; nokuba yinkunzi, nokuba yimazi, woyinikela imsulwa.
7Ukuba yimvana anikela ngayo umnikelo wake, makanikele yona ebusweni bukayehova.
8Waeya kulalisa isandla sake pezu kwentloko yomnikelo wake, awuxe̔le pambi kwentente yentlangano; boti onyana baka‐Arone basasaze igazi lawo pezu kwesibingelo ngento engqongayo:
9andule awunikele uvela kulombingo woxolo umnikelo owenziwa ngomlilo kuyehova; inqata lawo, umsila upela, aya kuwususa kufupi nomqolo, nenqata eligubungela umbilini, nalo lonke inqata elipezu kwombilini,
10nezintso zombini, nenqata elipezu kwazo, elingasezintsendweni; nendawo ezizengezelayo pezu kwesibindi, kunye nezintso, wozisusa.
11Lona umperisite wolitshisa esibingelweni: kukutya kwomnikelo owenziwa ngomlilo kuyehova.
12Nokuba yibokwe umnikelo wake, makayinikele ebusweni bukayehova.
13Waeya kulalisa isandla sake pezu kwentloko yayo, ayixe̔le pambi kwentente yentlangano; boti onyana baka‐Arone balisasaze igazi layo pezu kwesibingelo ngento engqongayo:
14andule awunikele uvela kwa kuyo umnikelo wake, umnikelo owenziwa ngomlilo kuyehova; inqata eligubungela umbilini, nalo lonke inqata elipezu kwombilini,
15nezintso zombini, nenqata elipezu kwazo, elingasezintsendweni; nendawo ezizengezelayo pezu kwesibindi, kunye nezintso, woyisusa.
16Lamanqata umperisite wowatshisa esibingelweni: kukutya kwomnikelo owenziwa ngomlilo, libe livumba elimnandi; lonke inqata le— likayehova.
17Kwoba ngummiselwa ongunapakade ezizukulwaneni zenu, kuzo zonke indawo zokuhlala zenu, okokuba ningadli nenqata negazi.
Who We AreWhat We EelieveWhat We Do
2025 by iamachristian.org,Inc All rights reserved.
