Eyesibini ka‐Samyali 22 - Xhosa Bible 1864, 1902 (Appleyard)

1WAZA u‐Davide wawateta kuyehova amazwi eliculo, ngomhla uyehova wamsindisayo esandleni sazo zonke intshaba zake, nasesandleni sika‐Saule:

2wayesiti:

Uyehova uliliwa lam, nenqaba yam, nomkululi wam;

3utixo wam, ilityekazi lam; ndiya kutembela kuye: ikaka lam, nopondo lwosindiswa lwam, ihlati lam, nendawo yokupepela yam, umsindisi wam; uyandisindisa wena ebudlwengwini.

4Ndobiza kuyehova, odumisekayo; ndandiya kusindiswa ezintshabeni zam.

5Ngokuba amaza okufa ebendiṙaula; imisinga yobunginingini yandoyikisa:

6intambo zehadesi zandingqonga; imigibe yokufa yandipangela;

7ebunzimeni bam ndabiza kuyehova, ndabiza kutixo wam; waza weva ilizwi lam esetempileni yake, nokukala kwam kweza ezindlebeni zake.

8Wandula umhlaba wazamazama, wangcangcazela; amasekwa ezulu ashukuma, azamazama, ngokuba ebequmbile.

9Kwenyuka umsi ezimpumlweni zake, nomlilo uvela emlonyeni wake wadla; amalahle avuta ngawo.

10Wagoba izulu, wehla; sasitokotoko pantsi kwenyawo zake.

11Wakwela pezu kwekerubime, wapapazela; wabonakala pezu kwamapiko omoya.

12Ubumnyama wabenza intente ngento emngqongayo, intlanganiso yamanzi, amafu abungqingwa ezulu.

13Ngenkazimlo epambi kwake avuta amalahle omlilo.

14Uyehova wadudumisa ezulwini; opezu konke wanika ilizwi lake.

15Watuma intolo, wabacita; nemibane, wabapitizelisa.

16Kwandula kwabonakala amazantsi olwandle, atyileka amasekwa omhlaba, ngokutetisa kukayehova, ngokuquta kwomoya wempumlo zake.

17Wasusa pezulu, wanditabata; wandir̔ola emanzini amaninzi;

18wandisindisa elutshabeni lwam olunamandla; nakwabo banditiyayo, ngokuba bebendidlula ngamandla.

19Bandipangela ngomhla wengozi yam; kodwa uyehova ebesisixaso kum.

20Wandipumisela endaweni ebanzi, wandikulula, ngokuba ebekoliswa ndim.

21 Uyehova wandivuza njengobulungisa bam; njengobumhlope bezandla zam wandibuyekezela.

22Ngokuba ndizigcinile indlela zikayehova, ndandingemkanga ngenkohlakalo kutixo wam.

23Ngokuba zonke izigwebo zake zibe zipambi kwam; nemimiso yake andipambukanga kuyo.

24Bendilungisekile pambi kwake, ndandizibamba enkohlakalweni yam:

25ngako uyehova undibuyekezele njengobulungisa bam, njengobumhlope bam pambi kwamehlo ake.

26Konobubele uyazibonakalisa unobubele; kwindoda elungisekile uyazibonakalisa ulungisekile;

27komsulwa uyazibonakalisa umsulwa; nakogwenxa uyazibonakalisa ugwenxa.

28Kanjalo abantu ababandezelweyo uyabasindisa; kodwa amehlo ako angakubo abaner̔atshi, ukuba ubatobise.

29Ngokuba wena usisibane sam, Yehova! uyehova uyakanyisa ubumnyama bam.

30Ngokuba ngawe ndiliwele ibandla; ngotixo wam ndigqitile eludongeni.

31Utixo indlela yake ifezekile ukulunga; ilizwi likayehova licocekile: ulikaka yena kubo bonke abatembela kuye.

32Ngokuba ngubanina ongutixo ngapandle kwoyehova? ngubanina olilityekazi ngapandle kwotixo wetu?

33Utixo uyinqaba yam yamandla; uyamalatisa olungisekileyo indlela yake.

34Uyenza inyawo zam zibe njengezamaxamakazi; uyandimisa ezinyangweni zam.

35Uyafundisa izandla zam ukulwa, side sityedwe isipeta sexina ngengalo zam.

36Undipile ikaka losindiso lwako; ukululama kwako kundenze mkulu.

37Wabusenza banzi ukunyatela kwam pantsi kwam; ati amaqata am akahexa.

38Ndaputuma intshaba zam, ndazitshabalalisa; andabuya ndada ndazigqibela.

39Ndazigqibela, ndazityumza, azabuya zivuke; zawa pantsi kwenyawo zam.

40Ngokuba ubundibinqela ukulwa ngamandla; ubatobisile pantsi kwam abo babevuka ngakum:

41wandinika umhlana wentshaba zam, ndize ndibapelise abanditiyayo.

42Bakangela, kodwa bekungeko osindisayo; kwa kuyehova, kodwa akabapendula.

43Ndaza ndabacolekisa njengotuli lwomhlaba; ndabanqusha njengenkunkuma yesitarate, ndabangqisha.

44Kanjalo undikulule emapikeni abantu bam, wandigcina ndibe yintloko yentlanga; abantu endingabazanga bayandikonza.

45Abasemzini bayazenzisa kum; ngokuva kwendlebe bayapulapula kum.

46Abasemzini bayasinya, bayabinqa bapume ezinqatyeni zabo.

47 Uyehova uhleli; malibongwe ilityekazi lam; makadunyiswe utixo wam, ilityekazi losindiswa lwam.

48Ngutixo ondenzela impindezelo, oweyelisa abantu pantsi kwam,

49ondipumisa ezintshabeni zam: wena undipakamisele ngapezulu kwabo bavuka ngakum; undikulule emntwini wobudlwengu.

50Ngako oko ndobulela kuwe, Yehova! pakati kwabaheyideni, ndicule egameni lako:

51owandisa intsindiswa zokumkani wake; owenza ububele kumtanjiswa wake, ku‐Davide, nakuyo inzalo yake kude kube ngunapakade.