Amaculo 69 - Xhosa Bible 1864, 1902 (Appleyard)

ICULO LXIX.Elika‐Davide, liba̔lelwe umhlabeli omkulu owenza ngeshoshanime.

1NDISINDISE, Tixo! ngokuba amanzi engene empefumlweni.

2Nditshonile eludakeni olunzulu, kungeko ndawo yokuma: ndingene ezinzulwini zamanzi, apo umsinga undikukulisayo.

3Ndidiniwe kukubiza kwam; umqala wam utshile; amehlo am ayapela, nxa ndilinda utixo wam.

4Bagqitisile inwele zentloko yam ngokuba baninzi abanditiyayo kungeko tuba; bayinto enkulu abanga banganditshabalalisa, abazintshaba zam kungeko ndawo: oko ndingakupanganga ndiya kwandula ndikubuyise.

5 Tixo! uyazi wena ngobugeza bam; nezilandu zam azikufihlelwanga.

6Abo bakangela kuwe, Nkosi, Yehova wemikosi! mabangadaniswa ngam: abo bakufunayo, Tixo wo‐Sirayeli! mabangaviswa ihlazo ngam.

7Ngokuba ngenxa yako nditwele isituko; ihlazo ligubungele ubuso bam.

8Sendingowasemzini kubazalwana bam, nongaziwayo kubantwana bakama̔.

9Ngokuba ubukwele bendlu yako bundidlile; izituko zabakutukileyo ziwile pezu kwam.

10Ndaye ndilila ndagqiba umpefumlo wam ekuzileni; kanti oko kwaba yinto yokutukwa kwam.

11Kanjalo ndenza ingubo yam ngentlakantlaka; ndaza ndaba yinto yokuzekeliswa kubo.

12Abo bahleli esangweni bayateta ngakum; ndiba yingoma yabasela utyalwa.

13Kodwa mna, ukutandaza kwam kukuwe, Yehova! ngexesha elikolekileyo: Tixo! ngobuninzi bobubele bako ndipendule, ngenyaniso yosindiso lwako.

14Ndihlangule eludakeni, mandingatshoni: mandihlangulwe kwabanditiyayo, nasezinzulwini zamanzi.

15Umsinga wamanzi maungandikukulisi, inzulu maingandiginyi, umnxuma maungavingci umlomo wawo pezu kwam.

16Ndive, Yehova! ngokuba ububele bako bulungile; beka kum ngabo ubuninzi benceba zako.

17Zungafihleli isicaka sako ubuso bako; ngokuba ndisekubandezelweni; ndipendule kamsinya.

18Sondela empefumlweni wam, uwukulule; ngenxa yentshaba zam ndisindise.

19Wena wazile ukutukwa kwam, nokudana kwam, nokuhlaziswa kwam: abo bayimpi kum bonke bapambi kwako.

20Ukutukwa kuqekezile intliziyo yam; ndiyafa kakulu: ndakangela ukuku̔zwa, kanti bekungeko; nabatutuzeli, kanti andibafumananga.

21Bandinika inyongo ibe kukudla kwam; nasekunxanweni kwam bandiseza iyasine.

22Isitebe sabo masibe sisibata ebusweni babo; ewe, masibe ngumgibe kubo besekwonwabeni.

23Amehlo abo makenziwe mnyama, baze bangaboni; nezinqe zabo uzenze zingcangcazele futi.

24Galela ingqumbo yako pezu kwabo, buti ubushushu bomsindo wako bubabambe.

25Maibe indlu yabo icitakele; makungabiko namnye ohlala ezintenteni zabo.

26Ngokuba betshutshisa lowo umbetileyo wena, beteta ngobuhlungu benxweleṙa zako.

27Beka inkohlakalo pezu kwenkohlakalo yabo; mabangangeni ebulungiseni bako.

28Mabacinywe encwadini yabahleliyo; mabangaba̔lwa ndawonye nabalungileyo.

29Kodwa mna ndibuhlwempu, ndilusizi: usindiso lwako, Tixo! malundibeke enyangweni.

30Ndiya kudumisa igama likatixo ngeculo, ndimenze mkulu ngombulelo.

31Oku kuya kukolisa uyehova pezu kwenkabi, napezu kwenkunzana enempondo eyahluka impupu.

32Abalulamileyo bobona bavuye; yaiya kupila intliziyo yenu, nina nimfunayo utixo!

33Ngokuba uyehova esiva amahlwempu, engadeli nababanjwa bake.

34Mazimdumise izulu nomhlaba, ilwandle nento zonke ezishukumayo kuzo.

35Ngokuba utixo eya kusindisa i‐Ziyone, ake izixeko zakwa‐Juda; ize bahlale kona, bayifuye.

36Inzalo yezicaka zake nayo iya kudla ilifa layo; nabo batanda igama lake bohlala kuyo.