Y Salmau 133 - Welsh Metrical Psalms 1621 (Edmwnd Prys)

SALM CXXXIIIEcce quam.Clod cariad brawdol, a’i gyffelybu i’r olew yn y 30. pen. o Exodus.

1Wele fod brodyr yn byw ’nghyd,

mor dda, mor hyfryd ydoedd:

2Tebyg i olew o fawr werth,

mor brydferth ar y gwisgoedd.

Fel pe discynnai draw o’r nen,

rhyd barf a phen offeiriad.

Sef barf Aron a’i wisg i gyd,

yn hyfryd ei arogliad.

3Fel pe discynnai gwlith Hermon

yn do dros Seion fynydd,

Lle rhwymodd Duw fywyd, a gwlith

ei fendith, yn dragywydd.