Y Salmau 93 - Welsh Metrical Psalms 1621 (Edmwnd Prys)

SALM XCIIIDominus regnauit.Moliant i allu Duw: yn erbyn y bobl a wrthwynebant awdwrdod.

1Teyrnasu y mae yr Arglwydd,

mewn ardderchowgrwydd gwisgodd:

Ymwisgodd f’Arglwydd yn brydferth,

a nerth yr ymwregysodd.

2Fe a sicrhâodd sail y byd

heb syflyd, yn ddihareb.

Dy faingc erioed a ddarparwyd,

ti wyd er tragwyddoldeb.

3Y llifeiriaint, (fy Arglwydd) faint

y llifeiriaint yn codi,

Tyrfau a llif yn rhwygo’r llawr,

a thonnau mawr yn coethi.

4Cadarn yw tonnau y moroedd,

gan dyrfau dyfroedd lawer.

Cadarnach yw yr Arglwydd mau,

yn nhyrau yr uchelder.

5Dy dystiolaethau ynt siwr iawn:

sef cyfiawn yw sancteiddrwydd:

A gweddus yn dy dy di fydd,

byth yn dragywydd f’Arglwydd.