Y Salmau 54 - Welsh Metrical Psalms 1621 (Edmwnd Prys)

SALM LIVDeus in nomine.Dafydd yn galw ar Dduw i ddinistrio ei elynion, drwy addo diolchgarwch.

1Duw yn d’enw cadw fi’n dda,

a barna i’th gadernid.

2Duw clyw fy ngweddi, gwrando ’nghwyn

a’m llef yn achwyn wrthyd.

3Cans codi’m herbyn i yn chwyrn

mae cedyrn ac estroniaid.

Ac heb osod Duw gar eu bron,

mor greulon ynt i’m henaid.

4Wele Duw fydd ym’ cymorth rhag

pwy bynnag a gais dial:

Duw sydd gyda’r rhai sy’ ar blaid

fy enaid, er ei gynnal.

5Efe a dâl o’r achos hon

i’m gelynion eu drygedd,

O torr di ymaith hwynt (fy Ion)

yn eigion dy wirionedd.

6Rhof aberth yt o wllys da,

a chlod-fora’ dy enw

Fy Arlwydd cymmwys ydyw hyn,

sef ti wyd yn fy nghadw,

7Gwir yw, Duw a’m gwaredodd i

o’m cyni a’m trallodion:

A’m llygad a gafodd ei fryd,

a’i wynfyd o’m caseion.