Y Salmau 13 - Welsh Metrical Psalms 1621 (Edmwnd Prys)

SALM XIIIUsquequó Domine.Ymresymmu â Duw, drwy boethni yr Yspryd, a thrwy weddi cael gobaith.Caner hon fel Psalm 2.

1Pa hyd fy Arglwydd, Dduw dilyth?

a’i byth yr wyf mewn angof?

Pa guddio r’wyd, (o Dduw) pa hyd?

dy lân wynebpryd rhagof?

2Ba hyd y rhed meddyliau tro

bob awr i flino ’nghalon?

Pa hyd y goddefaf y dir?

dra codir fy nghaseion.

3O Arglwydd edrych arnaf fi,

a chlyw fy ngweddi ffyddlon.

Egor fy llygaid, rhag eu cau

ynghysgfa angau ddigllon.

4Pe llithrwn ddim, (rhag maint yw’r llid)

fo ddwedid fy ngorchfygu:

A llawen fyddai fy holl gâs:

dal fi o’th râs i fynu.

5Minnau’n dy nawdd a rois fy ffydd,

a’m holl lawenydd eithaf:

Canaf i’m Duw am helpodd i,

gwnaf gerddi i’r Goruchaf.