Y Salmau 42 - Welsh Metrical Psalms 1621 (Edmwnd Prys)

SALM XLIIQuemadmodum.Dafydd heb gael gan ei erlidwyr ddyfod i’r gynulleidfa sanctaidd, yn dangos fod ei galon ef yn bresennol gydâ hwy, a bod ei holl ymddiried ef yn yr Arglwydd.

1Yr un wedd ag y bref yr hydd

am yr afonydd dyfroedd:

Felly y mae fy hiraeth i

am danat ti o’r nefoedd.

2Fy enaid i sychedig yw,

am fy Nuw byw, a’i gariad:

Pa bryd y dof fi gar dy fron?

fy Nuw a’m cyfion ynad.

3Fy nagrau oeddynt ddydd a nos

yn fwyd ym’, achos gofyn

Ym am fy Nuw bob pen awr bach,

ple mae fo bellach? meddyn.

4O gofio hyn wrthyf fy hun,

fel tywallt ffun fy einioes:

Ynghyd a theulu Duw yr awn,

be cawn fy meddwl eisoes.

Hyd at dy Dduw yn ystig iawn

yr awn, dan ganu clodydd:

Fel tyrfa a fai’n cadw gŵyl,

hyn bum i’w ddisgwyl beunydd.

5Trwm wyd f’enaid o’m mewn:

paham y rhoi brudd lam ochenaid?

6Disgwyl wrth Dduw, a doi gar bron

ei wyneb tirion cannaid.

7Fy enaid o’m mewn pan fo prudd,

a â yn rhydd o’th gofion:

A chofio yr Iorddonen iâch,

ar mynydd bâch o Hermon.

8Dyfnder is dyfnderau y sydd,

ac ar eu gilydd galwant:

A dwfr pob ffrwd, pob llif, pob ton,

hwy dros fy mron a aethant.

9Fy Naf a roes y dydd ym’ hedd,

a’r nos gyfannedd ganu,

I ganmawl fy Nuw, hwn a roes

ym’ einioes iw foliannu.

10Paham im’ gedyt dros gof cyd?

Duw, wrthyd yr achwynaf.

11Er gorthrymder y gelyn cam,

mewn galar pa’m y rhodiaf?

12Trwy f’esgyrn taro cleddyf llym

mewn gwarthlid ym, oedd edliw

Ym’ om gelynion er fy ngwae,

dy Dduw p’le mae fo heddiw?

13Trwm wyd f’enaid o’m mewn:

paham y rhoi brudd lam ochenaid?

14Disgwyl wrth Dduw, a doi gar bron

ei wyneb tirion cannaid.