Y Salmau 43 - Welsh Metrical Psalms 1621 (Edmwnd Prys)

SALM XLIIIIndica me Domine.Gweddio am gael ei wared o ddwylo yr enwir, modd y gallai foli Duw yn ei gynulleidfa sanctaidd.

1Barn fi (o Dduw) a dadleu’n dynn

yn erbyn pob oedd enwir,

Rhag y gwr twyllgar gwared fi,

a rhag drygioni’r dihir.

2Cans ti yw Duw fy nerth i gyd,

paham ym’ bwryd ymaith?

A pha’m yr âf mor drwm a hyn,

gan bwys y gelyn diffaith?

3Gyr dy olau, a moes dy wir,

ac felly twysir finnau:

A’m harwain i’th breswylfydd,

i’th fynydd, ac i’th demlau.

4Yna yr âf at allor Duw,

sef goruchel Dduw hyfryd,

Ac ar y delyn canaf fawl,

Duw, Duw, fy hawl a’m gwynfyd.

5Trwm wyd f’enaid o’m mewn: paham

y rhoi brudd lam ochenaid?

Disgwyl wrth Dduw, a doi gar bron

ei wyneb tirion cannaid.