Y Salmau 121 - Welsh Metrical Psalms 1621 (Edmwnd Prys)

SALM CXXILeuani oeulos.Dangos y dylai y ffyddloniaid ddisgwyl am gymmorth gan Dduw yn vnic, y modd y mae y Prophwyd yn y psalm hon.

1Disgwyliaf o’r mynyddoedd draw,

lle y daw i’m help wyllysgar.

2Yr Arglwydd rhydd i’m gymmorth gref,

hwn a wnaeth nef a daiar.

3Dy droed i lithro ef nis gâd,

a’th geidwad fydd heb huno:

4Wele, ceidwad Israel lân,

heb hun na heppian arno.

5Ar dy law ddeau mae dy Dduw,

yr Arglwydd yw dy geidwad,

6Dy lygru ni chaiff haul y dydd,

ar nos nid rhydd i’r lleuad.

7Yr Ion a’th geidw rhag pob drwg,

a rhag pob cilwg anfad:

8Cai fynd a dyfod beth yn rhwydd,

yr Arglwydd fydd dy geidwad.