Y Salmau 98 - Welsh Metrical Psalms 1621 (Edmwnd Prys)

SALM XCVIIICantate Domino.Annog pob creadur i foli Duw, am ei allu, a’i drugaredd, a ffyddlondeb ei gyfammod ynghrist, drwy’r hwn y mae ein cadwedigaeth ni.

1Cenwch i’r Arglwydd newydd gân,

ei waith fu lân ryfeddod:

Ei law ddeau a’i fraich a wnaeth,

i’n iechydwriaeth parod.

2Yr Arglwydd hysbys in’ y gwnaeth

ei iechydwriaeth gyhoedd:

A’i gyfiownder ef yn dra hawdd

datguddiawdd i’r cenhedloedd.

3Fe gofiodd ei drugaredd hir,

a’i wir i dy Israel,

Fel y gwelodd terfynau’r byd

ei iechyd yn ddiymgel.

4I’r Arglwydd â chaniad llafar,

chwi yr holl ddaiar cenwch:

A llafar lais, ac eglur lef,

fry hyd y nef y lleisiwch.

5Cenwch i’r Arglwydd Dduw fal hyn

â’r delyn, a chywirdant:

A chydâ’r delyn lais a thon,

rhowch iddo gyson foliant.

6Canu yn llafar ac yn rhwydd,

o flaen yr Arglwydd Frenin:

Ar yr udgyrn, a’r chwŷthgyrn pres,

fel dyna gyffes ddibrin.

7A rhued y mor mawr i gyd,

a’r byd, ac oll sydd ynthynt,

8Y llifddyfroedd, a’r mynyddoedd,

y mae yn addas iddynt.

9Curant, canant, o flaen Duw cu,

yr hwn sy’n barnu’r bydoedd.

I’r byd y rhydd ei farn yn iawn,

ac yn uniawn i’r bobloedd.