Y Salmau 131 - Welsh Metrical Psalms 1621 (Edmwnd Prys)

SALM CXXXIDomine non est.Dafydd yn ymwrthod â blarchder gar bron Duw.

1Yn fy nghalon ni bu falch chwydd,

o Arglwydd, na dim tynder,

Ni chodais chwaith drahaus wg

i’m golwg o dra uchder.

2Ac ni rodiais yma a thraw,

i dreiglaw pethau mowrion:

Ni fanwl chwiliais am wybod

rhyfeddod a dirgelion.

3Gostyngais f’enaid i mewn pryd,

fel pan ddiddyfnyd herlod:

Fy enaid sydd fel un a fu

gwedi ei ddiddyfnu’n barod.

4Ond disgwilied ty Israel

wrth wir Imanuel beunydd,

Sef wrth yr Arglwydd o’r pryd hyn,

heb derfyn yn dragywydd.