1Tenondete ha'e oñeñembo'e vaerã, ojejerure asy vaerã opavavére ha oñeme'ẽ vaerã Tupãme aguije opa yvypóra rehehápe.
2Oñeñembo'e vaerã umi tetã sãmbyhyhárare, mburuvicha kuérare, ikatu haguã jaiko py'a guapýpe ha ñorãirõ'ỹre, jeporiahurerekópe ha ñemomba'épe.
3Upéva iporã ha ombohory Tupã ñande pysyrõvape.
4Ha'e niko oipota opavave toñepysyrõ ha toikuaa pe añetegua.
5Tupã niko peteĩnte ha peteĩnte avei pe omoĩ porãva yvypóra kuéra Tupã ndive. Upéva hína Cristo Jesús, yvypórava avei.
6Ha'e niko omano ñande rehehápe opavave ñañepysyrõ haguã,Kuña ha kuimba'e reko
8Ha upéicha, aipota kuimba'e kuéra oñembo'e opa rupi ha ohupi ipo Tupãme py'a potĩme ha pochy'ỹre, térã ñe'ẽmbojovai'ỹme.
9Ha aipota kuña kuéra toñemonde oporomotĩ'ỹ haguãicha ha oñembojegua eterei'ỹre, ani mba'e hepývape, anítei oñakãkarãi jeguakapa, óro ha pérla reheve.1 P 3.3.
10Tombojegua uvei hekove kuéra mba'e porã ojapóvape, péicha oiko vaerã kuña omomba'éva Tupãme.
11Kuña ohendu vaerã opa ojeheko mbo'eha kirirĩhápe, ñakãitýpe porã.
12Ha aníke kuña oporombo'e téra ipu'akase kuimba'ére. Che aipota okirirĩ.
13Tupã niko ojapo vaekue Adánpe raẽGn 2.7. ha upéi ae Évape.Gn 2.21-22.
14Ha ndaha'éi vaekue Adán upe oñembotavy vaekue. Kuña vaekue, ha oñembotavykávo ho'a angaipápe.Gn 3.1-6.
15Ha upe kuña oñepysyrõta, sy hekópe guáicha ojapo ramo ojapo vaerã, ha oiko ramo akã porãme, jeroviápe, mborayhúpe ha teko marangatúpe.
Who We AreWhat We EelieveWhat We Do
2025 by iamachristian.org,Inc All rights reserved.
