1 Crónicas 7 - Biblia Guaraní

Isacar ñemoñare

1Isacar ra'y kuéra irundy: Tolá, Puvá, Jasub ha Simrón.

2Tolá ra'y kuéra Uzí, Refaías, Jeriel, Jahmai, Ibsam ha Samuel. Umíva Tolá rogagua ruvicha ha ñorãirõhára py'a guasu. David oisãmbyhy ramo guare, iñemoñare retakue 22.600.

3Uzí ra'y, Israhías. Israhías ra'y kuéra ko'ãva: Micael, Abdías, Joel ha Isías. 5 mburuvicha oñondivepa.

4Hembireko ha ita'ýra hetágui, umi rogagua ñemoñare kuéragui osẽ heta kuimba'e ñorãirõrã. Ojepapa 36.000 peve.

5Ojepapápa ramo Isacar rogagua, oĩháicha kuatiápe, umíva ohupyty 87.000 kuimba'e, opavave ñorãirõhára py'a guasu.

Benjamín ñemoñare

6Benjamín ra'y kuéra mbohapy: Bela, Béquer ha Jediael.

7Bela ra'y kuéra 5: Esbón, Uzí, Uziel, Jerimot ha Irí, opa ha'e kuéra ojohogagua ruvicha ha ñorãirõhára py'a guasu. Oĩháicha rogagua kuatiápe, iñemoñare kuéra ohupyty 22.034 kuimba'e.

8Béquer ra'y kuéra Zemirá, Joás, Eliézer, Elioenai, Omrí, Jerimot, Abías, Anatot ha Alémet. Opa ko'ãva Béquer ra'y,

9ha oĩháicha rogagua kuatiápe, ohupyty 20.200 kuimba'e py'a guasu.

10Jediael ra'y Bilhán: Bilhán ra'y kuéra ko'ãva: Jeús, Benjamín, Ehud, Quenaaná, Zetán, Tarsis ha Ahisáhar.

11Opa ko'ãva Jediael ñemoñare, rogagua ruvicha ha ñorãirõhára py'a guasu. Ohupyty 17.200 kuimba'e.

12Hir ra'y kuéra Sufam ha Hufam. Aher ra'y Husim.

Neftalí ñemoñare

13Neftalí ra'y kuéra Jahseel, Guní, Jéser ha Salum. Ko'ãva Bilhá ñemoñare.

Manasés ñemoñare

14Manasés ra'y kuéra, ikuña Siria guágui guare, ãva: Asriel ha Maquir, Galaad ru.

15Maquir omenda Maacá rehe, kuña Hufam ha Sufam rogagua. Maquir ra'y mokõiha héra Selofhad. Kóva itajýrante ha ndaita'ýrai.

16Maacá, Maquir rembireko imemby kuimba'e ha ombohéra chupe Peres. Peres ryvy héra Seres ha ita'ýra kuéra héra Ulam ha Réquem.

17Ulam ra'y Bedán. Ko'ãva Galaad ra'y kuéra. Galaad Maquir ra'y ha Manasés niéto.

18Maquir reindy Hamoléquet, Is-Hod, Abiézer ha Mahlá sy.

19Semidá ra'y kuéra, Ahián, Siquem, Liquehí ha Aniam.

Efraín ñemoñare

20-21Efraín ñemoñare, ãva: Sutélah, Béred, Táhat, Eladá, Táhat, Zabad, Sutélah. Umi ambue Efraín ra'ýpe, Éser ha Elad, ojuka umi Gat pegua, oguerahase haguére ijovecha kuéra.

22Itúva Efraín oñemonde hese kuéra ao vosakuépe, oguerojahe'o are chupe kuéra ha ipehẽngue kuéra ou oñandu chupe.

23Upéi oiko jey hembireko ndive; kóva hye guasu chugui ha imemby peteĩ mitã kuimba'e; chupe ombohéra Beriá, ojoguáva peteĩ ñe'ẽme he'iséva po'a'ỹ, oike haguére hógape po'a'ỹ.

24Seerá, Beriá rajy, omopu'ã táva Bet-Horón iguy pegua ha Bet-Horón yvategua, ha avei Uzén-Seerá.

25-27Beriá ñemoñare kuéra, ãva: Réfah, Résef, Télah, Tahána, Ladán, Amihud, Elisamá, Nun ha Josué.

28Ijyvy ha henda kuéra ko'ãva: Betel, Naarán kuarahy resẽ gotyo, Guézer kuarahy reike gotyo ha Siquem Ayah peve. Opa ko'ã táva hóga kuéra reheve.

29Manasés ñemoñare kuéra oguereko ipópe táva kuéra Bet-Seán, Taanac, Meguido ha Dor, hóga kuéra reheve. Umívape oiko José, Jacob ra'y, ñemoñare.

Aser ñemoñare

30Aser ra'y kuéra Imná, Isvá, Isví, Beriá ha Sérah, ko'ãva reindy.

31Beriá ra'y kuéra Éber ha Malquiel, Birzávit ru.

32Éber ra'y kuéra Jaflet, Sémer. Hotam ha iteindýra kuéra Suhá.

33Jaflet ra'y kuéra Pasac, Bimhal ha Asvat.

34Sémer ra'y kuéra Rohgá, Jehubá ha Aram.

35Hotam ra'y kuéra Sofah, Imná, Seles ha Amal.

36Sofah ra'y kuéra Súah, Harnéfer, Súal, Berí, Imrá,

37Béser, Hod, Samá, Silsá, Itrán ha Beerá.

38Jéter ra'y kuéra Jefuné, Pispá ha Ará.

39Ulá ra'y kuéra Árah, Haniel ha Risiá.

40Opa ko'ãva Aser ñemoñare. Hogagua ruvicha ha ñorãirõhára poravopyre, py'a guasu ha karai ojeapóva mba'érõ. Oĩháicha rogagua kuatiápe, ha'e kuéra 26.000 kuimba'e oĩva oñorãirõ haguãicha.