Isaías 4 - Biblia Guaraní

1Ipojáita 7 kuña

peteĩ kuimba'ére he'ívo chupe:

“Ore ro'úta mbuja

ha ore aópe roñemondéta.

Nde rérantena torogueraha,

eipe'a ore ñemotĩ.”

Pe Ñandejára omoheñóitava

2Upérõ,

pe Ñandejára omoheñóitava,

iporã ha omimbipáta,

umi Israélpe oikovéva peguarã.

3Umi opytáva Siónpe

ha hembýva Jerusalénpe,

oñembohérata marangatúva

ha ojehaíta héra kuéra

umi oikovéva apytépe.

4Ñandejára ojohéi rire,

Siongua kuña kuéra ky'akue,

ha omopotĩ rire tuguy

Jerusalén pegua,

teko joja pytúpe ha yvytu akúpe

opa ha'e mba'e ohapýta,

5opa yvyty Sión jere kuévo,

ha umi ñembyatyha rupi,

Ñandejára ojapóta arakue,

arai iñypytũva

ha tata rendýpe

pyharekue ohesapéta.

Hi'ári,

Ñandejára reko mimbipa

6omo'ãta chupe kuéra

kuarahy aku,

ama ha ára pochýgui.