1At itinanaw ko uli ang aking mga mata, at aking nakita at, narito, lumabas ang apat na karo mula sa pagitan ng dalawang bundok; at ang mga bundok ay mga bundok na tanso.
2Sa unang karo ay may mga Zac. 1:8; Apoc. 6:2, 4, 5. kabayong mapula; at sa ikalawang karo ay mga kabayong maitim;
3At sa ikatlong karo ay may mga kabayong maputi; at sa ikapat na karo ay mga kabayong kulay abo.
4Nang magkagayo'y ako'y sumagot at sinabi ko sa anghel na nakikipagusap sa akin, Ano ang mga ito, panginoon ko?
5At ang anghel ay sumagot at nagsabi sa akin, Awit 104:4; Heb. 1:7, 14. Ito ang apat na hangin sa himpapawid, na lumalabas na pinakasugo mula sa harapan ng Panginoon ng buong lupa.
6Ang karo na kinasisingkawan ng mga kabayong maitim ay lumalabas sa dakong lupaing tal. 8; Jer. 1:13. hilagaan; at ang sa mga maputi ay lumabas na kasunod ng mga yaon; at ang mga kulay abo ay nagsilabas sa dakong lupaing timugan.
7At ang mga malakas ay nagsilabas, at nangagpumilit na Zac. 1:10. yumaon upang malibot ang lupa: at kaniyang sinabi, Kayo'y magsiyaon at magparoo't parito sa buong lupa. Sa gayo'y sila'y nangagparoo't parito sa buong lupa.
8Nang magkagayo'y hiniyawan niya ako, at nagsalita sa akin, na nagsasabi, Narito, silang nagsiparito sa dakong lupaing hilagaan ay nagpatahimik sa aking Huk. 8:3; Ec. 10:4. diwa sa lupaing hilagaan.
Si Josue ay kumakatawan sa saserdote na hari.9At ang salita ng Panginoon ay dumating sa akin, na nagsasabi,
10Kumuha ka sa nangabihag, kay Heldai, kay Tobias, at kay Jedaia; at yumaon ka sa araw ding yaon, at pumasok ka sa bahay ni Josias na anak ni Sefanias, na nagsibalik mula sa Babilonia;
11Oo, kumuha ka sa kanila ng pilak at ginto, at gawin mong mga Zac. 3:5; Apoc. 19:12. putong, at mga iputong mo sa ulo ni Zac. 3:1. Josue na anak ni Josadac, na pangulong saserdote.
12At salitain mo sa kaniya, na sabihin, Ganito ang salita ng Panginoon ng mga hukbo, na nagsasabi, Narito, ang lalake na ang pangala'y Zac. 3:8. Sanga: at siya'y sisibol Ex. 10:23. sa kaniyang dako; at itatayo niya ang templo ng Panginoon;
13Sa makatuwid baga'y Mat. 16:18; Ef. 2:20-22; Heb. 3:3. kaniyang itatayo ang templo ng Panginoon; at siya'y Ezek. 21:27. magtataglay ng kaluwalhatian, at mauupo at magpupuno sa kaniyang luklukan; at siya'y Awit 110:4; Heb. 3:1. magiging saserdote sa kaniyang luklukan: at ang payo ng kapayapaan ay mapapasa pagitan nila kapuwa.
14At ang mga putong ay magiging pinakaalaala sa templo ng Panginoon kay Helem, at kay Tobias, at kay Jedaia, at kay Hen na anak ni Sefanias.
15At Is. 57:19; Ef. 3:13, 19. silang nangasa malayo ay Is. 60:10. magsisiparito at mangagtatayo sa loob ng templo ng Panginoon, at inyong malalaman na ang Panginoon ng mga hukbo ay siyang nagsugo sa akin sa inyo. At ito'y mangyayari kung inyong tatalimahing masikap ang tinig ng Panginoon ninyong Dios.
Who We AreWhat We EelieveWhat We Do
2025 by iamachristian.org,Inc All rights reserved.
