EZEKIEL 25 - Tagalog Form-Based Bible (1905/1982)（ABTAG）

Mga hula laban sa Ammon, sa Moab, sa Edom, at sa Filisteo.

1At ang salita ng Panginoon ay dumating sa akin, na nagsasabi,

2Anak ng tao, ititig mo ang iyong mukha Ezek. 21:28. sa mga anak ni Ammon, at manghula ka laban sa kanila:

3At sabihin mo sa mga anak ni Ammon, Inyong pakinggan ang salita ng Panginoong Dios: Ganito ang sabi ng Panginoong Dios, Sapagka't iyong sinabi, Aha, laban sa aking santuario, nang Ezek. 26:6. malapastangan; at laban sa lupain ng Israel, nang masira; at laban sa sangbahayan ni Juda, nang sila'y pumasok sa pagkabihag:

4Kaya't narito, aking ibibigay ka sa Ezek. 21:20. mga anak ng silanganan na pinakaari, at kanilang itatayo ang kanilang mga kampamento sa iyo, at magsisigawa ng kanilang mga tahanan sa iyo; kanilang kakanin ang iyong bunga ng kahoy, at kanilang iinumin ang iyong gatas.

5At aking gagawin ang Ezek. 21:20. Raba na pinaka silungan ng mga kamello, at ang mga anak ni Ammon na pinakapahingahang dako ng mga kawan; at inyong malalaman na ako ang Panginoon.

6Sapagka't ganito ang sabi ng Panginoong Dios: Sapagka't pumakpak ka ng iyong mga kamay, at tumadyak ka ng mga paa, at nagalak ka ng buong paghamak ng iyong kalooban laban sa lupain ng Israel;

7Kaya't narito, aking iniunat ang aking kamay sa iyo, at ibibigay kita Ezek. 7:21. na pinakasamsam sa mga bansa; at ihihiwalay kita sa mga bayan, at ipalilipol kita sa mga lupain: aking ibubuwal ka; at iyong malalaman na ako ang Panginoon.

8Ganito ang sabi ng Panginoong Dios: Sapagka't ang Is. 15:1. Moab at ang Ezek. 35:2. Seir ay nagsasabi, Narito, ang sangbahayan ni Juda ay gaya ng lahat na bansa;

9Kaya't, narito, aking bubuksan ang tagiliran ng Moab mula sa mga bayan, mula sa kaniyang mga bayan na nangasa kaniyang mga hangganan, na kaluwalhatian ng lupain, ang Jos. 12:3. Beth-jesimoth, ang 1 Cron. 5:8. Baal-meon, at ang Jer. 48:1. Chiriathaim.

10Hanggang sa mga anak ng silanganan, upang magsiparoon laban sa mga anak ni Ammon; at aking ibibigay sa kanila na pinakaari, upang ang mga anak ni Ammon ay huwag ng mangaalaala sa gitna ng mga bansa:

11At ako'y maglalapat ng kahatulan sa Moab: at kanilang malalaman na ako ang Panginoon.

12Ganito ang sabi ng Panginoong Dios, Sapagka't ang Awit 137:7; Is. 34:5. Edom ay gumawa ng laban sa sangbahayan ni Juda sa panghihiganti, at nagalit na mainam, at nanghiganti sa kanila;

13Kaya't ganito ang sabi ng Panginoong Dios, Aking iuunat ang aking kamay laban sa Edom, at aking ihihiwalay ang tao at hayop doon; at aking gagawing sira 1 Cron. 1:45. mula sa Teman; hanggang sa Ezek. 27:15, 20; 38:13. Dedan nga ay mabubuwal sila sa pamamagitan ng tabak.

14At Jer. 49:7-22; Amos 9:12; Oba. 1:19, 21. aking isasagawa ang aking panghihiganti sa Edom, sa pamamagitan ng kamay ng aking bayang Israel; at kanilang gagawin sa Edom ang ayon sa aking galit, at ayon sa aking kapusukan; at kanilang malalaman ang aking panghihiganti, sabi ng Panginoong Dios.

15Ganito ang sabi ng Panginoong Dios: Sapagka't ang mga Is. 14:29-32; Jer. 25:20; 47:1; Joel 3:4; Amos 1:6. Filisteo ay gumawa ng panghihiganti, at nanghiganti na may kapootan ng loob upang magpahamak ng pakikipagkaalit na magpakailan man;

16Kaya't ganito ang sabi ng Panginoong Dios, Narito, aking iuunat ang aking kamay sa mga Filisteo, at aking ihihiwalay ang mga 1 Sam. 30:14. Ceretheo, at ipapahamak ko ang labi sa baybayin ng dagat.

17At ako'y gagawa ng malaking panghihiganti sa kanila na may malupit na mga pagsaway; at kanilang malalaman na ako ang Panginoon, pagka aking isinagawa ang aking panghihiganti sa kanila.