Ebera 7 - Cook Islands Maori Bible(CIMB)

PENE VII - 7Ko Melekizedeka tei maata ia Aberahama e te ngati Levi; ko te Mesia ra te taunga maata roa e tuatau ua atu.

1E TAUA Gene 14:18&cMelekizedeka ariki no Salema ra, e taunga na te Atua teitei, ko tei aravei atu ia Aberahama i te oki anga mai, mei te tainga anga i te au ariki ra, e kua akaora atura iaia;

2Ko ta Aberahama i oronga mai i te ngauru o te taunga i te au apinga katoa o taua pou ra; ko te Ariki o te tuatua-tika tetai akatauanga o tona ingoa, e muri ake, ko to Ariki o te au, koia oki te ariki o Salema ra;

3Kare e metua tane, kare oki e metua vaine, kare e tui tangata i te taoonga taunga ra, kare e rā mua, kare oki e openga o tona ora anga; i akariroia aia mei te Tamaiti a te Atua ra, ko te noo rai ei taunga e tuatau ua atu.

4E tenana, ka maara na i taua tangata ra i te maata, i tei tae i te tupuna maata ra ia Aberahama Gene 14:20i te oronga i te ngauru o te au apinga no te pou ra.

5Nume 18:21,26To te tamariki a Levi ra tei rauka ia ratou te taoonga taunga ra, kua akaueia mai ratou e, e rave i te ngauru o ta te tangata ra apinga, i tei tau i te ture ra, koia oki ta to ratou uaorai au taeake, uanga ua rai ratou no Aberahama:

6Kareka aia ko tei kore to reira i anau ra, e ngauruanga tana i rauka ia Aberahama, Gene 14:19e kua akaora i te tangata tei Roma 4:13; Gala 3:16iaia te tuatua i tuatuaia maira.

7Kua kitea puia oki e, ko tei iti kua akaoraia e tei maata.

8I teia i roto i te ture nei, ko te tangata e mate nei tei rave i te ngauruanga; kareka i tera, koia tei rave, Ebe 5:6; 6:20ko tei karangaia ra e te ora ra.

9E tika ua kia karanga e, ko Levi katoa ko tei rave i te ngauruanga ra, kua oronga aia i te ngauruanga i roto ia Aberahama.

10Tei roto oki aia i tona metua, ka aravei ei a Melekizedeka iaia ra.

11 Gala 2:21; Ebe 7:18,19; 8:7 E teianei naringa e meitaki rava to te taoonga taunga o te ngati Levi ra, (i reira oki te ture i te rauka katoa anga i te tangata,) eaa iora i akonoiaʼi e, ei taunga ke te tupu mai mei ia Melekizedeka te tu, e eiaa mei te tu a Aarona?

12Kua akakoreia oki te kopu taunga ra, kua akakore katoaia ïa te ture, kare ïa e kore.

13Ko te tangata oki nona taua tuatua i tuatuaia nei, no tetai kopu ke ïa, kare rava to te reira kopu i raverave i te peu o te atarau ra.

14Isa 11:1; Mata 1:3; Luka 3:33; Roma 1:3; Apo 5:5Kua kitea meitakiia oki e no te kopu o Iuda to tatou Atu, ko te kopu kare rava i tuatuaia e Mose i te taoonga taunga ra.

15Maata rava atura ra te kitea, i te mea e taunga ke tei tupu mai, mei ia Melekizedeka te tu,

16Kare ra i riro ei taunga i te ture tuatua kopapa ra, i te mana ra o te ora mutu kore ra.

17Kua akakite ua mai te Atua e Sala 110:4; Ebe 5:6,10; 6:20“E taunga koe e tuatau ua atu, mei ia Melekizedeka te tu.”

18Kua akakore roaia tei muatangana ture Roma 8:3; Gala 4:9no tona paruparu e te puapinga kore.

19Anga 13:39; Roma 3:20,21,28; 8:3; Gala 2:16; Ebe 9:9Kare takiri oki e tangata i meitaki rava i te ture, Ebe 6:18; 8:6

riro atura ra ei akao mai i te irinakianga meitaki, i Roma 5:2; Ephe 2:18; 3:12; Ebe 4:16; 10:19akavaitataʼi tatou ki te Atua ra.

20Mei ia Iesu oki, kare i akaririroia ei taunga ma te taputou kore;

21I akariroia ratou ei taunga ma te taputou kore; kareka aia ma te taputou katoa ïa, nana na tei tuatua mai iaia e, Sala 110:4“Kua taputou a Iehova, kare e tataraara, E taunga koe e tuatau ua atu mei ia Melekizedeka te tu:”

22Ebe 8:6; 9:15; 12:24Mei te reira katoa to Iesu maata ei Arai i te koreromotu meitaki rava ra.

23Manganui oki to ratou i riro ei taunga, no te mea kare ratou e ora tamou i te mate:

24Kareka aia ra, no te mea e tika i te noo anga e tuatau ua atu, e kare tona taoonga taunga e riro ia etai ke.

25E teianei e tika meitaki rava atu iaia kia akaora i te aronga e na reira atu iaia ra i te aere ki te Atua ra, Roma 8:34; 1 Timo 2:5; Ebe 9:24; 1 Ioa 2:1e tika oki aia i te ora anga e tuatau ua atu ei pati i ta ratou.

26Ko te tu ïa o te taunga maata e tau ia tatou nei, Ebe 4:15ko tei tapu, e te rave kore i te kino, e te viivii kore, e te taka ke oki i te aronga rave ara ra, Ephe 1:20; 4:10; Ebe 8:1e kia akateiteiia i rungao i to te rangi ra:

27Kare oki e tau iaia, Levi 9:7; 16:6,11; Ebe 5:3; 9:7kia na mua i te tuku i te atinga i tana uaorai ara, Levi 16:15

ka tuku ei i ta te tangata katoa, mei ta taua kau taunga nunui ra, i te au rā katoa ra; Roma 6:10; Ebe 9:12,28; 10:12okotai rava ana tuku anga i ta te tangata ravarai, iaia i tuku iaia uaorai.

28Ebe 5:1,2Ko te tangata paruparu nei oki ta te ture e akariro ei taunga mamaata, kareka te tuatua ra ko te taputou, i muri ake i taua ture ra; ko te Tamaiti ïa ta te reira i akataunga, Ebe 2:10; 5:9ko tei akatapuia e tuatau ua atu.