Mataio 19 - Cook Islands Maori Bible(CIMB)

PENE XIX - 19Ta Iesu tuatua i te kopae vaine: tana āriki anga i te tamariki: te tangata ou apinga nui, e te mea e kino ei taua apinga nui ra: te ui a Petero i te tutaki.

1 E Mare 10:1; Ioa 10:40KIA akaoti akerā Iesu i teianei tuatua anga, akaruke atura aia i Galilea, aere maira i te pae i Iudea ra, i na tera pae i Ioridana;

2Mata 12:15E motuanga tangata maata tei aru mai iaia ra ki reira, akaora iora aia i to ratou au maki.

3Kua aere katoa maira te au Pharisea kiaia, kua na ko maira, i te timata anga mai iaia ra, E tau aina i te ture kia kopae atu te tane i tana vaine i te au apa katoa nei?

4Kua karanga atura aia kia ratou, na ko atura, Kare rai kotou i tatau e, Gene 1:27; 5:2; Mala 2:15ko tei anga ia raua i muatangana, i anga ïa i te tane okotai e te vaine okotai;

5E kua na ko akera, Gene 2:24; Mare 10:5-9; Ephe 5:31“E akaruke ei te tangata i tona metua tane e tona metua vaine, ka piri atu ei ki tana vaine; 1 Kori 6:16; 7:2e ka riro oki raua ei kopapa okotai?”

6E teianei, kare atura raua i te toko rua, kua kopapa okotai ra. E ta te Atua i topiri ra, auraka te tangata e akataka ke atu.

7Kua tuatua maira ratou kiaia, Deu 24:1; Mata 5:31Eaa iorā Mose i akaue mai ei, e kave atu i tetai tuatua kopae, ka tuku atu ei iaia?

8Kua na ko atura aia kia ratou, No te māroketaketa o to kotou ngakau i tuku ua mai ei a Mose i te kopae i ta kotou au vaine: kare ra i pera i muatangana.

9Mata 5:32; Mare 10:11; Luka 16:18; 1 Kori 7:10,11E teianei, te karanga atu nei au kia kotou, Tei kopae i tana vaine, auraka ra no te akaturi, ka akaipoipo ei i tetai, kua akaturi ïa: e ko tei akaipoipo i taua vaine i kopaeia ra, kua akaturi ïa.

10Kua tuatua maira tana au pipi kiaia, Mase 21:19Ko ta te tane ïa akono anga i te vaine, kare e meitaki te akaipoipo.

11Kua karanga atura aia kia ratou, 1 Kori 7:2,7,9,17Kare te tangata ravarai e tika kia ariki mai i te reira tuatua, ko te aronga ra i orongaia atu te tika ia ratou.

12E eunuka tetai aronga mei to ratou anau anga mai: e i akaeunukaia tetai aronga e te tangata: 1 Kori 7:32,34; 9:5,15i akaeunuka oki tetai aronga ia ratou uaorai no te basileia o te ao ra. Ko te tika iaia kia āriki i teianei tuatua, nona ïa.

13 Mare 10:13; Luka 18:15 I apaiia maira te tamariki mea riki kiaia i reira ra, kia tuku aia i tona rima ki rungao ia ratou, e kia pure: kua kauvae atura te au pipi ia ratou.

14Kua karanga aturā Iesu, Ka tuku mai ana i te tamariki mea riki, kia aere ua mai kiaku nei, auraka e akakoreia atu; Mata 18:3mei ia ratou nei oki to te basileia ra o te ao.

15Kua tuku atura aia i tona rima ki rungao ia ratou, e aere atura.

16 Mare 10:17; Luka 18:18 E ina, kua aere maira tetai tangata iaia, kua tuatua maira, Luka 10:25E te orometua meitaki e, eaa taku ravenga meitaki e raukaʼi iaku te ora mutu kore?

17Kua karanga atura aia kiaia, Eaa koe i akameitaki mai ei iaku? ko te Atua anake ra te meitaki: kia inangaro ra koe kia rauka te ora, e akono koe i te au ture.

18Kua tuatua maira aia kiaia, I teea? Kua karanga aturā Iesu, Exo 20:13; Deu 5:17“Auraka koe e ta ua, Auraka koe e akaturi, Auraka koe e keia, Auraka koe kia riro ei kite pikikaa,

19Mata 15:4E akangateitei i to metua tane, e to metua vaine,” Levi 19:18; Mata 22:39; Roma 13:9; Gala 5:14; Iako 2:8“E aroa atu i to tangata tupu mei te aroa ia koe uaorai.”

20Kua na ko maira taua tangata ou ra, Kua ope te reira i te akonoia e au, mei toku ou anga mai: eaa ua te toe iaku?

21Kua karanga aturā Iesu kiaia, Kia inangaro koe e kia apa kore, Mata 6:20; Luka 12:33; 16:9; Anga 2:45; 4:34,35; 1 Timo 6:18,19ka aere ka oko i taau apinga, ka apai atu ei na te putaua; e apinga taau i reira i te rangi; ka aere mai ei ka aru mai iaku.

22Kia akarongo mai taua tangata ou ra i te reira tuatua, aere ke atura ma te aue: e apinga maata oki tona.

23Kua karanga aturā Iesu ki tana au pipi, Koia mou taku e karanga atu kia kotou nei, Mata 13:22; Mare 10:24; 1 Kori 1:26; 1 Timo 6:9,10E akao ngata te tangata apinga ki roto i te basileia ra i te ao.

24E tuatua akaou rai oki au kia kotou, E akao ngoie ake te kamela na roto i te puta nira, i te tangata apinga nui kia akao ki roto i te basileia o te Atua ra.

25Kite akera te au pipi i taua tuatua ra, va ua iora ratou, na ko akera, Koai oki te ka ora?

26Kua akara aturā Iesu kia ratou, na ko atura, Kare ïa e tika i te tangata nei; Gene 18:14; Iobu 42:2; Iere 32:17; Zeka 8:6; Luka 1:37; 18:27e tika ra te au mea katoa i te Atua.

27 Mare 10:28; Luka 18:28 Kua tuatua mairā Petero kiaia, na ko maira, Deu 33:9; Mata 4:20; Luka 5:11I na matou, kua akaruke matou i te au mea katoa, e kua aru mai ia koe; eaa te ka rauka ia matou?

28Kua karanga aturā Iesu kia ratou, Koia mou taku e karanga atu kia kotou nei, Kia tae i te anga akaou anga ra, kia noo te Tamaiti a te tangata ki runga i tona terono kakā, Mata 20:21; Luka 22:28,29,30; 1 Kori 6:2,3; Apo 2:26e noo katoa kotou, ko tei aru mai iaku, ki runga i te terono raungauru e rua ara, i te akava anga i te au kopu o Iseraela raungauru e rua ara.

29Mare 10:29,30; Luka 18:29,30E te tangata katoatoa no toku nei ingoa i akaruke ei i te are, e te au taeake, e te au tuaine, e te metua tane, e te metua vaine, e te vaine, e te tamariki, e te enua, e anere ua atu tana e ka rauka, e e rauka oki iaia te ora mutu kore.

30Mata 20:16; 21:31,32; Mare 10:31; Luka 13:30To mua e manganui ra e riro no muri; e to muri ra, e riro ïa no mua.