Levitiku 4 - Cook Islands Maori Bible(CIMB)

PENE IV - 4Te atinga akonoia no te ara kitea kore kia apaiia ra.

1KUA tuatua mairā Iehova kia Mose, na ko maira,

2E tuatua ana koe ki te tamariki a Iseraela, e na ko atu, Levi 5:15,17; Nume 15:22&c; 1 Samu 14:27; Sala 19:12Kua ara tetai tangata i te kite kore i te au akaueanga katoa a Iehova ra, kua rave i te au mea kare e tika kia rave ra;

3Levi 8:12Ko te taunga i akamainuia ra tei rave i te ara, e kua araia te au tangata iaia; e apai mai aia Levi 9:2i tetai puakatoro ou kino kore kia Iehova, ei tarangaara i tana ara i raveia e ia ra.

4E taki aia i taua puakatoro ra Levi 1:3,4ki te ngutupa o te Are uipaanga ki mua i te aroaro o Iehova; e tuku oki aia i tona rima ki runga i te mimiti o taua puakatoro ra, e ka taia taua puakatoro ra ki mua i te aroaro o Iehova.

5E na taua taunga i akamainuia ra Levi 16:14; Nume 19:4e rave i tetai manga toto no taua puakatoro ra, ka apai ei ki roto i te Are uipaanga ra:

6E na te taunga e tutou i tona maikao-rima ki roto i taua toto ra, ka pîpî ei i te toto, e kia taki itu pîpî anga, ki mua atu nei i te paruru i te ngai-tapu, ki mua i te aroaro o Iehova ra.

7Levi 8:15; 9:9; 16:18E tuku oki te taunga i tetai manga i taua toto ra ki mua i te aroaro o Iehova, ki rungao i nga tara o te atarau apinga kakara, i roto i te Are uipaanga ra; kareka te Levi 5:9toto katoatoa o taua puakatoro ra, ka riringi aia i te reira ki te tumu o te atarau atinga karakaratio, i te ngutupa o te Are uipaanga ra.

8Te tongaua katoa no taua puakatoro tarangaara ra e kiriti katoaia ïa, te tongaua ki rungao i te ngakau, e te tongaua katoa no runga i te au mea i roto ra,

9E nga pukuatu ra, e te tongaua ki rungao, i te îo kaokao ra, e te ekaeka i rungao i te ate; ka kiritiia ïa, e nga pukuatu katoa ra;

10Levi 3:3,4,5Mei tei te puakatoro atinga au i kiritiia ra; e na te taunga e taʼu i te reira ki runga i te atarau atinga karakaratio ra.

11Exo 29:14; Nume 19:5Kareka te kiri o taua puakatoro ra, e te kiko katoa, e te mimiti, e nga vaevae, e te ngakau, e te repo,

12Taua puakatoro katoa ra oki, e apaiia ïa ki vao mai i te puakapa i te ngai viivii kore ra, Levi 6:11i te riringianga reu ra, Ebe 13:11ka taʼu ei ki te ai i rungao i te vaie: ei te ngai e riringiiaʼi i te reu ra ka taʼuaʼi.

13E Nume 15:24; Iosu 7:11kua araia te uipaanga tamariki a Iseraela katoa ra i te kite kore, e Levi 5:2,3,4,17kare te uipaanga ra i kite, e kua rave i tetai mea i akakoreia i te au akaueanga katoa a Iehova, e kua ara;

14Kia kitea ra taua ara i raveia e ratou ra, ei reira te uipaanga e apai ei i tetai puakatoro ou ei tarangaara, e na ratou e taki ki mua i te Are uipaanga ra.

15E na te aronga pakari o te uipaanga Levi 1:4e tuku i to ratou rima ki runga i te mimiti o taua puakatoro ra, ki mua i te aroaro o Iehova: e ka taia taua puakatoro ra ki mua i te aroaro o Iehova.

16Levi 4:5; Ebe 9:12,13,14E na te taunga i akamainuia ra e apai i tetai manga toto no taua puakatoro ra ki roto i te Are uipaanga:

17E ka tutou te taunga i tona maikao-rima ki roto i taua toto ra, ka pîpî ei, e kia taki itu pîpî anga, ki mua atu nei i te paruru, ki mua i te aroaro o Iehova.

18E tuku oki aia i tetai manga i taua toto ra ki rungao i te au tara o te atarau i mua i te aroaro o Iehova, i roto i te Are uipaanga ra, ka riringi ei i te toto katoatoa i te tumu o te atarau atinga karakaratio, i te ngutupa o te Are uipaanga ra.

19Ei reira aia e rave ei i te matu katoa nona ra, ka taʼu ei ki runga i te atarau ra.

20Levi 4:3Kia okotai rai tu ko tana e rave i taua puakatoro ra, e tana i rave i te puakatoro tarangaara ra, e akapera katoa aia i teia: Nume 15:25; Dani 9:24; Roma 5:11; Ebe 2:17; 10:10,11,12; 1 Ioa 1:7; 2:2na te taunga e apai i te tapokiangaara na ratou, e ka akakoreia ta ratou ara.

21E ka apaiia taua puakatoro ra ki vao mai i te puakapa, e ka taʼuia mei tei muatangana ra puakatoro i taʼuia ra: ko te tarangaara teia na te uipaanga.

22Kia araia tetai tutara i te kite kore, Levi 4:2,13e kua rave i te mea e kore e tika ki te au akaueanga katoa a tona Atua ra a Iehova kia rave, e kua ara:

23Kia kite ra aia i Levi 4:14taua ara i raveia e ia ra; ei reira aia e apai mai ei i te atinga nana, ei puakanio, ei toa kino kore ra.

24E Levi 4:4&ctuku oki aia i tona rima ki runga i te mimiti o taua puakanio ra, e ka taia te reira i te ngai ta ratou e ta i te atinga karakaratio ki mua i te aroaro o Iehova ra; e tarangaara oki te reira.

25Levi 4:30E rave oki te taunga i tetai manga i te toto o taua tarangaara ra ki runga i tona maikao-rima, ka tuku ei ki rungao i nga tara i nga tara i taua atarau atinga karakaratio, ka riringi ei i te toto kite tumu o te atarau atinga karakaratio ra.

26E taʼu oki aia i te tongaua katoa ki runga i te atarau, Levi 3:5mei te tongaua o te atinga au e taʼuia ra: Levi 4:20; Nume 15:28na te taunga e apai i te tapokiangaara nana i tana ara, e ka akakoreia tana ara.

27E Levi 4:2; Nume 15:27kua araia tetai o te au tangata rikiriki ra i te kite kore, e kua rave i tetai mea i akakoreia i te au akaueanga katoa a Iehova e kua ara;

28Levi 4:23Kia kite ra aia i taua ara i raveia e ia ra; ei reira aia e apai mai ei te atinga nana, ei puakanio, ei i ua kino kore, no taua ara i raveia e ia ra.

29Levi 4:4,24E tuku oki aia i tona rima ki runga i te mimiti o taua tarangaara ra, e ka taia taua tarangaara ra i te ngai i taiaʼi te atinga karakaratio ra.

30E rave oki te taunga i tetai manga i taua toto ra ki runga i tona maikao-rima, ka tuku ei ki rungao i nga tara o te atarau atinga karakaratio ra, ka riringi ei i te toto katoatoa i te tumu o te atarau.

31Levi 3:14E kiriti takiri oki aia i te Levi 3:3tongaua katoa, mei te tongaua o te atinga au i kiritiia ra; e na te taunga e taʼu ki runga i te atarau, ei mea Exo 29:18; Levi 1:9aunga kakara na Iehova; Levi 4:26e na te taunga e apai i te tapokiangaara nana, e ka akakoreia tana ara.

32E kia apai mai aia i tetai punua mamoe ei tarangaara, ei Levi 4:28ua kino kore tana e apai mai.

33E tuku oki aia i tona rima ki runga i te mimiti o taua tarangaara ra, e ka taia ei tarangaara, i te ngai i taiaʼi te atinga karakaratio ra.

34E rave oki te taunga i tetai manga i te toto o taua tarangaara ra ki runga i tona maikao-rima, ka tuku ei ki rungao i nga tara o te atarau atinga karakaratio ra, ka riringi ei i te toto katoatoa i te tumu o te atarau.

35E kiriti takiri oki aia i te tongaua katoa, mei te tongaua o te punua mamoe no te atinga au i kiritiia ra; e na te taunga e taʼu ki runga i te atarau, Levi 3:5e te au atinga ai katoa a Iehova ra: e na te Levi 26:31taunga e apai i te tapokiangaara i tana ara i raveia e ia ra, e ka akakoreia tana ara.