Te Imene A Solomona 6 - Cook Islands Maori Bible(CIMB)

PENE VI - 6

1TEIEA atura taua akaperepere noou ra, Ime 1:8e tera ra vaine i tu ke i te meitaki i te au vaine katoa nei? i tapae tika akenei kiea taua akaperepere noou ra, kia kimi katoa matou e koe katoa oki?

2Aere atura taku akaperepere nei ki roto i tona ra kainga, ki te au tanumanga rakau kakara ra, e kaikai i roto i te au kainga ra, e koi aere oki i te au lili.

3Ime 2:16; 7:10No taku akaperepere au nei, e noku oki taku akaperepere: tei rotopu aia i te au lili i te kaikai anga.

4Manea maata toou, e taku akaperepere e, mei ia Tireza, e te tau maataia, mei ia Ierusalema, Ime 6:10

e te matakuia, mei te nuku reva ra.

5E ariu ke atu na i to mata iaku nei, kua riro oki au ki ko na: to rauru, Ime 4:1e tau ïa ki te anana puaka-nio, e moe aere i te maunga ra ko Gileada.

6Ime 4:2E tau to nio ra ki te anana mamoe, i te aere anga mai mei raro mai i te orei anga ra, ko tei tataki rua anake te punua ra, e kare rava tetai o ratou e ngere.

7Ime 4:3Mei te vaanga remuna ra, koia oou paparinga ra i raro ake i to makave rauru ra.

8Okotoru ariki vaine ki roto i toku akera are, okoa oki vaine tavini, e te paretenia oki kare i tatauia.

9Koia anake nei ra taku kukupa, taku manea; ko te akaperepereia o tona metua vaine, ko tei akameitakiia e tei anau mai iaia ra. Kua akara mai te au vaine iaia, e kua akameitaki mai iaia, te au ariki vaine, e te au vaine tavini, e kua akapaapaa mai ratou iaia.

10Koai teia e akara nei mei te popongi ra, mei te marama te manea, mei te rā te kakā, Ime 6:4mei te nuku reva ra te matakuia!

11Aere atura au ki raro ki roto i te kainga ua rakau, e atoro i te kai a te o ra; Ime 7:12kia kite atu i te vine i te ruperupe anga, te remuna i te pua tiare angaia.

12Kare ra au i kite, kua riro takere au i taku ngakau, mei te kariota o taku aronga mana ra.

13Ka oki mai, ka oki mai, e te vaine Sulami e; ka oki mai, ka oki mai kia akara atu matou ia koe.

E akara kotou i te vaine Sulami ki te aa? Mei te mea te akara ra matou i te au pupu o nga nuku e rua ra.