Iobu 19 - Cook Islands Maori Bible(CIMB)

PENE XIX - 19Te aue nei a Iobu i te takinga-kino o tona au oa iaia: te manako i te Akaora iaia te mea e papaʼi tona ngakau.

1KUA tuatua mairā Iobu, na ko maira,

2Mei te aa ra te aroa o tenana akaongoongo anga mai i toku vaerua, e e atiati ei kotou iaku i tenana au tuatua?

3Kua Gene 31:7; Levi 26:26ngauru akenei a kotou akakino anga mai iaku: e kare ua kotou i akama ko kotou i akapoturi ua mai iaku.

4I tatipake ua rai au, tei iaku uaorai taku tatipake te vairanga.

5Kia inangaro kotou i te Sala 38:16akateitei ki runga iaku, e akakite iaku i toku kino:

6Kia kite maira kotou, ko te Atua tei taakaaka mai iaku, e nana au nei i akapini i tana kupenga.

7I na, te kapiki nei au i te takinga-kino, kare ra au i akarongoia mai: te kapiki nui nei au, kare ra e tuatua-tau.

8Iobu 3:23; Sala 88:8Kua taii aia i toku arataa kare au e tika kia aere, e kua tuku aia i te poiri ki runga i toku ra au mataara.

9Kua Sala 89:44kiriti aia i toku kakā i runga iaku nei, e kua rave aia i te korona i runga i toku upoko.

10Kua akapou aia iaku e pini ua ake, e kua kore au nei: e kua kiriti tumuia toku manakonako anga mei te rakau ra.

11Kua tutungi aia i tona riri ki runga iaku, Iobu 13:24; Aue 2:5e kua akariroia au e ia mei te au enemi nona.

12Kua takiruru maira te au toa nona, Iobu 30:12e kua akāū i te arataa no ratou kiaku nei, e kua moetapapa e pini ua ake toku nei puakapa.

13Sala 31:11; 38:11; 69:8; 88:8,18Kua akataka ke aia i toku ra au taeake kia atea iaku, e kua riro taku au taunga ei au tangata ke iaku nei.

14Kua kore toku ra au tangata tupu, e kua akangaropoina toku aronga oa mātau iaku.

15Tei noo i toku ra ngutuare, e toku ra au tavini vaine, tei tuatua iaku e e tangata ke: kua riro au ei tangata ke i to ratou akara anga.

16Kua kapiki atu ki toku tavini tane, kare ra aia i ki mai: kua tuatua akarekareka atura toku vaa iaia.

17Kua riro toku aʼo ei mea ke i taku vaine, aue ua rai au i taku uaorai au tamariki.

182 Ari 2:23Kua akavaavaa mai oki te au tamariki mea riki iaku; kia tu au ki runga ra, kua tuatua kino mai ratou iaku.

19Sala 41:9; 33:13,14,20Kua akaviivii mai toku au oa tumanava ravarai iaku; e te aronga taku i anoano ra, kua akatangata ke ratou iaku.

20Iobu 30:30; Sala 102:5; Aue 4:8Te piri nei toku ivi ki toku kiri, e ki toku kiko, e kua ora io nei au ma toku kiri nio anake ra.

21E aroa mai iaku, e aroa mai iaku, e taku au oa e; no te mea, Iobu 1:11; Sala 38:2ko te rima o te Atua tei akatukia mai iaku.

22Sala 69:26Eaa kotou i peraʼi i te aruaru iaku mei ta te Atua ra, e kare ainei kotou i mareka i toku kopapa nei?

23Angairi taku nei au tuatua i tataia e? angairi i kokotiia ki runga i te papa e!

24Ki te toi auri, e te tapou, i te kokoti angaia ki runga i te mato e tuatau ua atu!

25Kua kite oki au e, te ora ra toku Akaora, e kia tae ki te openga ra ka tu mai ei aia ki runga i te enua nei:

26E oti akera taku kiri, kua pou teianei kopapa, e kore oti taku tino, Sala 17:15; 1 Kori 13:12; 1 Ioa 3:2e akara rai au i te Atua:

27Ka akara au uaorai iaia, ko toku ra mata, auraka to tetai ke ra, te akara; pou ua rai to roto roa iaku nei.

28Kia karanga ra kotou e, Iobu 19:22E naea tatou kia takinga-kino iaia? kua kitea ï reira tetai tapepeanga na kotou iaku nei.

29Kia mataku oki kotou i te mata koke: ko te koke oki ta te riri ra tutuki, Sala 58:10,11kia kite kotou e te vai ra te akavaanga.