1 KO Luka 4:27Naamana rangatira o te nuku o te ariki o Arama ra, Exo 11:8e tangata maata aia i tona ra pu, e te akangateitei, no te mea kua oronga mai a Iehova i te ora no Arama ra iaia: e tangata toa oki aia, e lepera ra.
2I aere ua ana tetai au takanava tangata no Arama ki vao, e kua rave mai i tetai tamaine iti no te enua maira no Iseraela ei tuikaa; tei mua i te aroaro o te vaine a Naamana taua tamaine ra.
3Kua karanga atura aia ki tona pu vaine, Naringa toku pu i tae ki te peroveta i Samaria ra e! ka ora oki tona lepera ra iaia.
4Kua aere iorā Naamana ki roto, e kua akakite atura ki tona pu, karanga atura, Te na ko maira te tamaine iti no te enua mai o Iseraela.
5Kua tuatua maira te ariki o Arama ra, E aere, e aere ua ki reira, e naku e akau i te leta ki te ariki o Iseraela. Aere atura aia, e 1 Samu 9:8; 2 Ari 8:8,9kua apai katoa i nga taleni ario okotai ngauru i tona rima, e e ono tausani sekela auro, okotai oki ngauru i te kakau.
6Kua apai atura aia i taua leta ra ki te ariki o Iseraela, karanga atura, I tenana, kia tae atu teianei leta kia koe na, e akaora koe i taku tavini ia Naamana i tona lepera ra; i na kua tono oki au iaia kia koe na.
7E oti akera taua leta ra i te tatauia e te ariki o Iseraela, kua aae iora i ona kakau, e kua tuatua akera, Gene 30:2; Deu 32:39; 1 Samu 2:6E Atua ainei oki au nei, e tei iaku ainei te ta e te akaora, i tono mai ei teianei tangata kiaku nei e akaora i te tangata i te lepera nei? e teianei, e akamaara meitaki io na, ko taku ïa tuatua kia kotou, te kimi nei teianei tangata i te ara ei tapepe anga mai iaku.
8Kite akera te tangata no te Atua ra ko Elisaia e, kua aae te ariki o Iseraela i ona kakau, kua tono akera aia i te karere ki te ariki ra, na ko akera, Eaa koe i aae ei i o kakau na? tuku mai ia Naamana ki ko nei kiaku nei, ka kite oki aia e, e peroveta tei Iseraela nei.
9Kua aere mairā Naamana ma te au oroenua nana, e ma te kariota nona, e kua tu maira i te ngutupa are o Elisaia ra.
10Kua tono mairā Elisaia i te karere kiaia, tuatua maira, Ka aere 2 Ari 4:41; Ioa 9:7ka paî e kia itu paî anga i Ioridana, ka oki akaou mai toou kiko tikai, e ka mā koe.
11Riri akerā Naamana, aere atura, e kua tuatua akera, I na, i manako oki au e, e aere tika mai aia ki vao kiaku nei, ka tu mai ei, ka kapiki atu ei i te ingoa o tona ra Atua ko Iehova, ka arapaki mai ei tona rima i te ngai maki ra, e akaora i te lepera.
12Kare ainei ko Abana e ko Pharapa, nga vai i Damaseko nei, tei maata i te meitaki i te au vai katoa o Iseraela? kare ainei e tika kia paî au i reira ka mā atu ei? Kua ariu akera aia, aere atura ma te riri.
13Kua akavaitata maira ra te au tavini nona, e kua tuatua maira, E taku metua e, naringa paa ei tuatua maata ta taua peroveta ra i tuatua mai kia koe, kare ainei koe e rave i te reira? ka tanga, atu ei i tenana tuatua, Ka paî ka mā atu ei?
14Kua aere atura aia ki raro, kua pai atura i Ioridana, e itu akera pai anga, ta te tangata no te Atua oki i tuatua maira: Iobu 33:25oki akaou maira tona kiko mei to te tamaiti ou ra, Luka 4:27mā atura aia.
15Kua oki maira aia e tona katoa ra au tangata ki taua tangata no te Atua ra, e kua aere iora kua tu maira ki mua i tona aroaro: e kua tuatua maira, I na, kua kite atura au Dani 2:47; 3:29; 6:26,27e, kare rava e Atua i te ao katoa nei, mari ra i Iseraela nei: e teianei, teia taku tuatua kia koe ra, Gene 33:11e rave mai koe i tetai apinga i to tavini nei.
16Kua karanga atura aia, 2 Ari 3:24Te ora nei a Iehova, taku e tu ua ki mua i tona aroaro, Gene 14:23; Mata 10:8; Anga 8:18,20kare au e rave. Kua manono ua maira aia e rave; kare akera i tika iaia.
17Kua tuatua mairā Naamana, Teia taku tuatua kia koe, kare aina e tika kia orongaia mai no to tavini nei, tetai manga one kia teiaa nga mule e rua nei? kare oki to tavini e apai akaou i te atinga karakaratio, e te atinga katoa, ki te au atua ke, mari ra kia Iehova anake.
18Teia ra tetai mea e akakore mai a Iehova i te ara a to tavini nei; kia tae ra toku pu ki roto i te are o Rimona akamori ei i reira, e kia 2 Ari 7:2,17irinaki aia ki runga i taku rima nei, e kua tupou oki au ki raro i roto i te are o Rimona: kia tupou ra au ki raro i roto i te are o Rimona ra, e akakore mai a Iehova i te ara a to tavini i taua mea ra.
19Kua karanga atura aia kiaia, E aere ma te au. E akaruke atura aia iaia e topa iora i tetai ngai iti.
20Ko Gehazi ra, te tavini o te tangata no te Atua ra o Elisaia, kua tuatua akera aia, I na, kua akaperepere io nei taku pu i tera ra tangata Arama ia Naamana, kare ake nei oki aia i āriki atu i ta tona rima i apai maira: te ora nei rā Iehova, ka oro ana au na muri iaia, kia rauka mai tetai apinga naku.
21Kua aru aturā Gehazi ia Naamana. E kia akara mai a Naamana iaia i te oro anga mai na muri iaia, eke iora aia mei runga mai i te kariota e aravei iaia, e kua karanga atura, Te meitaki na?
22Kua tuatua maira aia, Te meitaki nei: i tonokia mai au e taku pu, te tuatua maira, I na, i teianei, kua aere mai nei nga tangata ou kiaku no te au tamariki peroveta, mei te maunga mai mei Epheraima: teia taku tuatua kia koe, o mai ana i te taleni ario okotai nei, e nga kakau oki e rua, no raua.
23Kua tuatua mairā Naamana, Kia tika ia koe, e rave mai i nga taleni e rua. Kua manono maira aia, e kua ruru iora i nga taleni ario e rua, ki roto i nga pute e rua, e nga kakau oki e rua, kua tuku atura ki runga i nga tavini ona toko rua; e kua apai atura raua na mua iaia.
24Kia tae ra aia ki te ngai uuna ra, kua rave atura aia i nga mea i to raua ra rima, e kua momono akera ki roto i tetai are; kua tuku atura i nga tangata ra, riro atura raua.
25Kua aere iora aia ki roto, tu ua iora ki mua i tona pu. Kua tuatua, mairā Elisaia kiaia, Mei ea mai koe, e Gehazi? Kua karanga atura aia, Kare to tavini nei i aere ke.
26Kua tuatua maira aia kiaia, Kare i reira katoa toku ngakau, ka oki mai ei taua tangata ra mei runga mai i te kariota e aravei ia koe ra? E tuatau ainei teia kia rave i te ario ra, e kia rave i te kakau, e te kainga olive, e te kainga vine, e te mamoe, e te puakatoro, e te tavini tane, e te tavini vaine?
27E teianei, te lepera o Naamana ka 1 Timo 6:10piri mai ïa kia koe, e ki toou ra uanga e tuatau ua atu. Aere atura aia ki vao mei mua mai i tona aroaro, Exo 4:6; Nume 12:10; 2 Ari 15:5e lepera ïa mei te kiona ra.
Who We AreWhat We EelieveWhat We Do
2025 by iamachristian.org,Inc All rights reserved.
