1 Samuela 13 - Cook Islands Maori Bible(CIMB)

PENE XIII - 13Te iki nei a Saula i te tangata e toru tausani: te Philiseti i te uipa anga e tamaki i to Iseraela ra: to Iseraela tumatetenga: kua roiroi a Saula i te tapapa ia Samuela, e kua apai aia i te atinga karakaratio: kua tae mai a Samuela i reira e kua ako mai iaia.

1 [E TORU ngauru] o Saula mataiti i ariki ei aia; e kia rua akera mataiti i tona ariki anga ki runga ia Iseraela ra,

2Kua iki iorā Saula i te au tangata o Iseraela e toru tausani nona uaorai; ko e rua tausani ra, tei ia Saula ïa i Mikemasa, e i te maunga ra ko Betela; e tetai tausani ra, tei ia Ionatana ïa i 1 Samu 10:26Gibea i o Beniamina ra; e te toenga o te tangata ra kua tuku ua atura aia ia ratou kia aere anake ana ki te ngutuare.

31 Samu 10:5Kua ta iorā Ionatana i tetai puakapa anga o te Philiseti i Geba ra, e kite akera te Philiseti i taua tuatua ra. Kua akatangi iora Saula i te pu e pini ua ake taua enua ra, tuatua akera, Kia akarongo mai te au Ebera.

4E kite akera oki to Iseraela ravarai e, kua taia e Saula tetai puakapa anga o te Philiseti ra, e kua akaviiviiia to Iseraela e te Philiseti ra. Kua akaputuputu maira te tangata kia Saula i Gilagala ra.

5Kua uipa iora te Philiseti e tamaki ia Iseraela ma te kariota e toru ngauru i te tausani, e te aronga akaoro oroenua ra e ono ïa tausani, e te tangata ra mei te one taatai ra te maata; e kua aere maira ratou, kua patia maira i te puakapa i Mikemasa, i te pae i te itinga o te rā i Bete-avena,

6E kia akara akera to Iseraela i to ratou pekapeka, (tumatetenga oki te tangata,) Aka 6:2kua pipini iora te tangata i roto i te ana, e i roto i te ngangaere, e i roto i te mato, e i roto i te au ngai teitei, e i roto i te vaarua.

7E kua aere atura tetai pae ngati Ebera ki tera pae Ioridana, ki te enua o Gada e Gileada; te noo ua rā Saula i Gilagala, e kua aru atura te au tangata katoa iaia ma te rutetetete.

8 1 Samu 10:8 Kua tiaki iora oki aia e po itu akera, ko te tuatau ïa ta Samuela i tuatua maira: kare rā Samuela i tae mai ki Gilagala; pueurikiriki ke atura oki te tangata iaia.

9Kua tuatua akerā Saula, Ka apai mai ana i tetai atinga karakaratio ki ko nei kiaku nei, e te atinga au oki. E kua apai aia i taua atinga karakaratio ra.

10E oti akera taua atinga karakaratio ra i te apaiia e ia, i na, kua aere mairā Samuela; aere aturā Saula e aravei iaia, e kia aroa atu aia iaia.

11Kua tuatua mairā Samuela, I aa ana koe? Kua karanga aturā Saula, No to mea, akara atura au kua pueurikiriki ke te au tangata iaku, e kare koe i tae mai i nga rā i akonoia ra, e kua putuputu mai oki te Philiseti i Mikemasa;

12Kua tuatua akera au, Ka tae rava mai te Philiseti ki runga iaku i Gilagala, e kare rai au i pure ia Iehova: kua rave mamate ua atura oki au, e kua apai au i tetai atinga karakaratio.

13Kua tuatua mairā Samuela kia Saula, 2 Para 16:9E ravenga neneva taau: 1 Samu 15:11kare koe i akono i te akauenga a to Atua ra a Iehova, tana i akaue mai kia koe ra: naringa oki koe i akapera, kua akamou ravā Iehova i toou au ki runga ia Iseraela e tuatau ua atu.

141 Samu 15:28I teianei ra, kare toou au e mou: Sala 89:20; Anga 13:22kua kimi a Iehova i tetai tangata nona e tau ki tona uaorai ngakau; e kua akaue oki a Iehova iaia e, ei tutara ïa ki rungao i tona iti tangata; no te mea, kare akenei koe i akono i ta Iehova i akaue mai kia koe ra.

15Kua tu akerā Samuela, akaruke iora i Gilagala, tae atura ki Gibea i o Beniamina ra. Kua tatau iorā Saula i te au tangata i ona ra, 1 Samu 14:2e ono paa anere i te tangata.

16Noo iorā Saula e tana tamaiti ko Ionatana, e te au tangata e raua katoa i Geba i o Beniamina ra: kareka te Philiseti tei Mikemasa ïa te puakapa anga.

17Kua aere maira te aronga noni mei roto mai i te puakapa o te Philiseti e toru katoa takanava: kua anga akera tetai takanava, aere tika atura Iosu 18:23ki Ophera, ki te enua ra ko Suala:

18E kua anga tika atura tetai takanava ki Iosu 16:3; 18:13,14Bete-horona: e kua anga tika atura tetai takanava ki te pae i te medebara ra, i na te tapere i aite tika ki te o ra ko Nehe 11:34Zeboima.

19 2 Ari 24:14; Iere 24:1 Kare rava e taunga tupaki auri e pini rava ake te enua katoa o Iseraela; kua karanga oki te Philiseti e, Ko te tupaki aea te au Ebera i te koke e te korare:

20E aere tika ra to Iseraela katoa i o te Philiseti akakoi ei i tana auri arote, e tana toi, e tana tarapa, e tana ko one ra;

21Kua mania oki ta ratou au auri arote i reira, e te toi, e te ko one, e te au tarapa, e te au ko puaka ra.

22E tae akera ki te rā tamakianga, kare rava Aka 5:8e koke, e te korare, i te kitea anga i te rima o te au tangata ravarai, i aru ia Saula, e ia Ionatana: tei ia Saula anake ra raua ko te tamaiti nana ra ko Ionatana, te reira taoonga i te kitea anga.

231 Samu 14:1,4Kua aere maira te puakapa o te Philiseti ki te arataa e tae atu ei ki Mikemasa.