1 Paraleipomeno 28 - Cook Islands Maori Bible(CIMB)

PENE XXVIII - 28Te ikuiku mamate angā Davida i tana tamaiti ia Solomona.

1KUA akaputuputu mairā Davida i te aronga mamaata ravarai o Iseraela ki Ierusalema, 1 Para 27:16te aronga mamaata no te au kopu ra, 1 Para 27:1,2e te au rangatira no te au takanava, ko tei rave i te angaanga a te ariki, e te au rangatira tausani, e te au rangatira anere; e te aronga katoa i 1 Para 27:25tiaki i te au apinga katoa a te ariki ra, e te au anana puaka, e tana au tamariki, e te aronga tavini ariki ra, e te 1 Para 11:10aronga toa uritumu, e te au tangata toa katoa ra.

2Kua tu maira te ariki ra ko Davida ki runga, e kua tuatua maira, E akarongo mai ana, e taku au taeake, e taku au tangata e: 2 Samu 7:2; Sala 132:3,4,5Ko roto oki i toku ngakau e e akatu i tetai are ei vairanga no te aruna koreromotu a Iehova, e ei Sala 99:5; 132:7takainga vaevae no to tatou Atua, e kua kopî oki au i te apinga no taua are ra:

3Kua tuatua maira te Atua kiaku e, 2 Samu 7:5,13; 1 Ari 5:3; 1 Para 17:4; 22:8Auraka koe e akatu i te are no toku nei ingoa, no te mea e tangata tamaki koe, e kua maringi te toto ia koe.

41 Samu 16:7-13Kua iki maira ra te Atua o Iseraela ko Iehova iaku ei ariki i runga ia Iseraela ra e tuatau ua atu, auraka te are katoa o toku ra metua: kua iki oki aia ia Gene 49:8; Sala 60:7; 78:68Iuda ra, 1 Samu 16:1ko te ngutuare ïa o taku metua; 1 Samu 16:12,13e to roto i te au tamariki o taku metua ra, ko au nei rai tana i anoano e akaariki ki runga ia Iseraela katoa:

51 Para 3:1&c; 23:1E to roto i te au tamariki ravarai naku ra, e manganui oki te tamariki ta Iehova i oronga mai naku, 1 Para 22:9kua iki aia i taku tamaiti ra ia Solomona, ei noo ki runga i te terono o te basileia o Iehova i runga ia Iseraela nei.

6E kua tuatua maira aia kiaku, Ko to tamaiti ra 2 Samu 7:13,14; 1 Para 22:9,10; 2 Para 1:9Solomona te ka akatu i te are noku, e te au paepae noku: koia tei ikiia e au ei tamaiti naku, e ei metua oki au nona.

7Ka akatinamou oki au i tona basileia e tuatau ua atu, 1 Para 22:13kia maroiroi aia, mei teianei rā, i te rave anga i taku ra au akauenga, e te au tuatua-tau naku ra.

8E teianei, i mua i te aroaro o Iseraela katoatoa ra te uipaanga a Iehova, to tatou Atua oki i te akarongo anga mai, e akono kotou e e kimi i te au akauenga ravarai a to kotou Atua a Iehova: kia noo rai kotou i taua enua meitaki nei, ka vaoo ei oki no ta kotou au tamariki ei kainga kai mātu i muri ake ia kotou e tuatau ua atu.

9E ko koe oki, e taku tamaiti e Solomona e, Iere 9:24; Hose 4:1; Ioa 17:3kia kite pu koe i te Atua o to metua nei, ka akamori ei iaia 2 Ari 20:3; Sala 101:2ma te ngakau tiratiratu, e ma te manako tika roa: 1 Samu 16:7; 1 Ari 8:39; 1 Para 29:17; Sala 7:9; 139:2; Mase 17:3; Iere 11:20; 17:10; 20:12; Apo 2:23e kimi oki a Iehova i te ngakau katoa ra, e te kite ra aia i te akakoroanga o te au manako katoa: 2 Para 15:2kia kimi koe iaia ra, ka kitea atu aia e koe; kia akaruke ra koe iaia, ka akaruke rava mai aia ia koe e tuatau ua atu.

102 Para 28:6E tenana, kia matakite; kua iki oki a Iehova ia koe e akatu i te are no te ngai-tapu; kia maroiroi, e ka rave.

11Kua o aturā Davida ki tana tamaiti ra kia Solomona i Exo 25:40; 1 Para 28:19te tu o te tomoanga, e to reira au are, e to reira au vairanga apinga, e to reira au pia i runga, e to reira au pia i roto ra, e no te ngai o te tapoki aruna ra.

12E te tu o te au mea ravarai i rauka iaia, no ko mai ïa i te Vaerua ra, i te au paepae o te are o Iehova, e no te au pia katoa e pini ua ake, 1 Para 26:20no te au vairanga apinga no te are o te Atua, e no te au vairanga o te au apinga i akatapuia ra:

13E te akono anga o te au pupu taunga e te ngati Levi, e te rave anga i te au angaanga i te are o Iehova, e te au āriki katoa e raveia i roto i te are o Iehova.

14Kua apai aia i te auro aiteia no te au mea auro, no te au apinga katoa e tau no te angaanga katoa ra; e te ario aiteia no te au mea ario, no te au apinga ravarai e tau no te angaanga katoa ra.

15E to au vairanga lamepa auro, e to te reira au lamepa auro, kua akonoia te auro i te aite anga no te au vairanga lamepa, e no te reira au lamepa: e to te au vairanga lamepa ario kua aiteia te ario, to te vairanga lamepa, e to reira au lamepa, e to tei tau i taua au vairanga lamepa ra.

16Kua apai oki aia i te auro aiteia no te au kaingakai no te areto o te aroaro ra, no te au kaingakai katoa; e te ario katoa no te au kaingakai ario:

17E te auro meitaki no te kokai, e no te au kapu ra, e te au āriki katoa: e no te au kapu auro ra, akono atura i te aite no te au kapu ravarai; e no te au kapu ario katoa ra, akono atura i te aite:

18E to te atarau atinga kakara, e auro meitaki ïa, akono atura i te aite; e te auro oki i tau i te tu o te kariota o Exo 25:18-22; 1 Samu 4:4; 1 Ari 6:23&cnga kerubi, ko tei totoa mai i to raua peau, kia ngaro te aruna koreromotu a Iehova ra.

19Ko taua au mea katoa ra, Exo 25:40; 1 Para 28:11,12kua akakite pu mai a Iehova kiaku i te tu tikai o taua angaanga katoa ra ki runga i te tuatua tata ra, i tona rima ki runga iaku nei.

20Kua karanga aturā Davida ki tana tamaiti ra kia Solomona, Deu 31:7,8; Iosu 1:6,7,9; 1 Para 22:13E akamaroiroi, kia kaumaiti, e e rave: auraka e mataku auraka e tumatetenga: ka riro oki te Atua ra ko Iehova, te Atua noku ra, ei vaitatao ia koe; Iosu 1:5kare aia e aere ke, kare e akaruke ia koe, e kia oti rava atu te au angaanga katoa no te au peu no te are o Iehova.

21I na oki, 1 Para 24; 25; 26te au pupu taunga e te au ngati Levi, tena tei ia koe ei rave i te au peu ravarai i te are no te Atua ra: e no te au angaanga katoa, no te au peu katoa, Exo 35:25,26; 36:1,2te au tangata i tika te ngakau i te rave, e tei karape i te rave ra, ka riro ïa ei vaitatao ia koe: te aronga mamaata nei, e te tangata ravarai, tei ia koe anake i te rave i taau e akaue ra.