Deuteronomi 26 - Cook Islands Maori Bible(CIMB)

XXVI.Te tuatua i aakiia kia apai te tangata i te popo ra: te pure a tei apai mai i te ngauruanga no te mataiti toru; e te koreromotu a te Atua ma te tangata.

1E kia tae koe ki runga i te enua ta to Atua ra ta Iehova e oronga mai noou ei nooanga, e kua rauka ia koe, e te noo ra koe i reira ra;

2Exo 23:19; 34:26; Nume 18:13; Deu 16:10; Mase 16:10Ei reira koe ka rave ei i te popo o te au ua ravarai o te enua, ko taau ïa e apai no toou ra enua ta to Atua ra ta Iehova e oronga mai noou ra, ka tuku ei ki roto i te kete, Deu 12:5ka aere ei ki te ngai i akonoia e to Atua ra e Iehova ei vairanga no tona ra ingoa.

3E aere tika atu oki koe ki te taunga i te reira tuatau, ka karanga atu ei kiaia e, Te akakite nei au ki to Atua ra kia Iehova i teianei rā, e tei te enua mai nei au ta Iehova i taputou mai ki to tatou ai metua ra e, e oronga mai aia no tatou nei.

4E na te taunga e rave mai i te kete i to rima ra, ka tuku ei ki raro ki mua i te atarau a to Atua ra a Iehova.

5E naau e karanga atu, e na ko atu koe ki mua i te aroaro o to Atua ra o Iehova, Hose 12:12E ngati Arama Gene 43:1,2; 45:7,11koka aere ua toku metua tane, Gene 46:1,6; Anga 7:15aere atura oki aia ki Aiphiti, tuitarere ua atura i reira Gene 46:27; Deu 10:22kare ua i muatangana ra; e riro atura aia ei enua tangata maata, e te maroiroi, e te tangata manganui i reira:

6E Exo 1:11,14kua takinga-kino mai to Aiphiti ia tatou, e kua akaao mai ia tatou, e kua tinai-mate mai ia tatou i te angaanga maata:

7E Exo 2:23,24,25; 3:9; 4:31kia kapiki tatou ki te Atua o to tatou ai metua ra kia Iehova, kua akarongo mai a Iehova i to tatou reo, e kua akara maira i to tatou mate, e ta tatou angaanga, e to tatou tinai-mate angaia ra:

8Exo 12:37,51; 13:3,14,16; Deu 5:15E kua arataki mai oki a Iehova ia tatou mei Aiphiti mai i te ravenga marōrō, e ma te rima akatikaia ra, e te Deu 4:34mea mataku maataia ra, e te akairo, e te ravenga i vavaria ra:

9E kua arataki mai oki aia ia tatou ki ko nei, e kua oronga mai i teianei enua no tatou, Exo 3:8i te enua taʼe a vai u ate u e te meli nei:

10E teianei, i na, i apai mai nei au i te popo o taua enua nei, taau, e Iehova, i oronga mai noku nei. E ka tuku atu koe i te reira ki mua i te aroaro o to Atua ra o Iehova: ka akamori ei ki mua i te aroaro o to Atua ra o Iehova:

11Deu 12:7,12,18; 16:11E ka rekareka koe i te au meitaki ravarai ta to Atua ta Iehova i o mai noou, e no to ngutuare ra, ko koe, e te ngati Levi, e te tangata ke e noo i o ou ra.

12Kua akangauruia e koe te au ngauru-anga ravarai o Levi 27:30; Nume 18:24taau ra apinga no te mataiti toru ra, (ko Deu 14:28,29te mataiti ngauruanga ïa,) e kua apaiia e koe na te ngati Levi, na te tangata ke, na te matiroeroe, e na te vaine takaua, i roto i to au oire, kia kai ratou e kia merengo;

13Ei reira koe e tuatuaʼi ki mua i te aroaro o to Atua o Iehova, Kua akataka keia e au te au mea tapu i toku ra are, e kua orongaia e au tei te ngati Levi, e tei te tangata ke, e tei te matiroeroe, e tei te vaine takaua, mei te au akauenga ravarai taau i akaue mai kiaku ra; kare au i tatipake i taau au akauenga, Sala 119:141,153,176kare oki i ngaropoina iaku:

14Levi 7:20; 21:1,11; Hose 9:4Kare au i kai i te reira i te aue anga noku; kare oki au i apai ua atu i tetai ngai no tetai peu tapu kore ra, e kare rava oki i orongaia no te peu kia mate te tangata ra: kua akarongo ra au i te reo o toku Atua ra ko Iehova, e kua rave au i te au mea katoa taau i akaue mai iaku ra:

15Isa 63:15; Zeka 2:13Ka akara mai koe ki raro i toou na nooanga tapu, i runga i te rangi ra, e akameitaki i toou nei tangata ia Iseraela nei, e te enua taau i oronga mai no matou, taau oki i taputou mai ki to matou ai metua ra; i te enua e taʼe a vai ua te u e te meli nei.

16Te akaue nei to Atua ra ko Iehova ia koe i teianei rā e, ka rave i teianei au akonoanga e te au tuatua-tau: e teianei e akono koe, e e rave i te reira ma to ngakau katoa, e to vaerua katoa.

17Exo 20:19Kua akakite pu koe i nakonei e, ko Iehova toou Atua, e aere oki koe na tona arataa, e akono oki i tana au akonoanga, e tana ra au akaueanga, e tana ra au tuatua-tau, e e akarongo i tona reo:

18Exo 6:7; 19:5; Deu 7:6; 14:2; 28:9E kua akakite pu oki a Iehova i teianei rā e, ko koe tona tangata tikai, i tana oki i tuatua mai kia koe ra: e kia akono koe i tana ra au akauenga e ope rava ake;

19Deu 4:7,8; 28:1; Sala 148:14E akateitei aia ia koe i reira ki runga i te pa enua ravarai tana i anga ra, i te akameitaki angaia, e te rongo, e te akangateitei; e kia riro koe ei Exo 19:6; Deu 7:7; 28:9; 1 Pete 2:9iti-tangata tapu no to Atua ra no Iehova, tana oki i tuatua maira.