Iosua 6 - Cook Islands Maori Bible(CIMB)

PENE VI - 6Ko Ieriko i te akapini angaia e te nuku ra: te patu i te ngaoro anga ki raro; te oire i te pou anga; e to Rahaba ma akaora angaia ra.

1KUA momani ravaia Ieriko, e pini ua ake, no te tamariki a Iseraela ra: kare rava e tangata i tae ki vao, kare oki e tangata i tae ki roto.

2Kua tuatua mairā Iehova kia Iosua, I na, Iosu 2:9,24; 8:1te oronga atu nei au ia Ieriko ki to rima na, Deu 7:24e to reira ariki, e te au tangata toa ra.

3E akapini kotou i taua oire nei, kotou ko te au tangata tamaki ravarai, tu tai i te akapini anga, i te oire. Kia po ono koe i te akapera anga.

4E nga taunga oki Aka 7:16,22toko itu ma te pu iubile e itu i te apai anga na mua i te aruna; e kia tae ki te rā itu ra, kia itu ïa akapini anga i taua oire ra, Nume 10:8ka akatangi ei te kau taunga i taua au pu ra.

5E kia akaroa ratou i te tangi i taua pu iubile ra, kia rongo kotou i te tangi o taua pu ra, ei reira te tangata ravarai ka maevaʼi ei maeva maata; ei reira te patu o te oire e topa pu uaʼi ki raro, kia aere ua te tangata katoa, na runga ki muao iaia uaorai.

6Kua karanga aturā Iosua te tamaiti a Nuna, ki te kau taunga, na ko atura kia ratou, Ka rave ana i te aruna koreromotu ra, e rave oki nga taunga toko itu i te pu iubile kia itu ka apai ei na mua i te aruna a Iehova.

7Kua karanga atura aia ki te tangata, Ka aere, ka akapini i te oire, e te tangata taoonga tamaki ra, e aere aia na mua i te aruna a Iehova.

8E oti akera ta Iosua tuatua anga ki te au tangata ra, kua aere iora nga taunga toko itu ma te pu iubile katoa e itu na mua ia Iehova, e kua akatangi iora i taua au pu ra; e na muri akera te aruna koreromotu a Iehova ia ratou.

9E te tangata ma te taoonga tamaki katoa tei aere na mua i te kau taunga i akatangi i te pu ra, Nume 10:25e tetai papaki ra na muri ïa i te aruna te aere, te aere ua ra te kau taunga, te akatangi ra i taua au pu ra.

10I akaue anā Iosua ki te au tangata, i tuatua ana aia kia ratou, Auraka kotou e maeva, auraka to kotou reo kia kitea, auraka rava to kotou vaa e ki e okotai iti ake, e kia tae ki te rā e karanga atu ei au kia kotou e, E maeva; ei reira kotou e maevaʼi.

11Okotai akera o te aruna a Iehova akapini anga i taua oire ra: kua aere maira ratou ki te puakapa, e moe iora ki roto i te puakapa ra.

12Kua tu akerā Iosua i te popongi akirata, Deu 31:25kua rave iora te kau taunga i te aruna a Iehova.

13E nga taunga toko itu ra i nga pu iubile e itu i te apai anga, i te aere ua anga rai na mua i te aruna a Iehova, i te akatangi anga i taua au pu ra; e te tangata taoonga tamaki i te na mua anga ia ratou, kareka tetai papaki, kua na muri mai ïa i te aruna a Iehova, e te kau taunga i te aere ua anga i te akatangi anga i te au pu ra.

14E okotai akera oki o ratou akapini anga i taua oire ra i te rā rua ra, e kua oki maira ki te puakapa ra: e ono akera oki o ratou rā i te akapera anga.

15Kia tae ra ki te rā itu, kua tu akera ratou ki runga i te akirata anga ra, e kua pera oki i te akapini i taua oire ra e ka itu akera akapini anga; ko te reira rā anake ra te tataki itu anga i te akapini anga i taua oire ra.

16E tae akera ki te itu o te akapini anga, i te akatangi anga te kau taunga i te au pu ra, kua karanga aturā Iosua ki te au tangata, Ka maeva ana; kua oronga mai a Iehova i taua oire nei kia kotou.

17Kareka te oire e to roto katoa ra kia taumaaia ïa na Iehova: ko Rahaba akaturi anake ra te ka ora, koia e te aronga katoa i roto i tona are, Iosu 2:4no te mea, kua uuna aia i nga karere i tonokia e tatou ra.

18Deu 7:26; 13:17; Iosu 7:1,11,12Kia mata kite ia kotou i tei taumaaia ra, ko te rave aea kotou i tei taumaaia ra, ko te akariro aea kotou ia kotou uaorai ei aronga taumaa katoaia; ka riro katoaʼi te puakapa o Iseraela ei mea taumaaia, Iosu 7:25; 1 Ari 18:17,18; Iona 1:12e tumatetenga atura oki i reira.

19Kareka te au ario katoa, e te auro, e te au mea veo, e te auri, e akatapuia ïa na Iehova, e apaiia te reira ki roto i te uipaanga apinga na Iehova ra.

20Kua maeva iora te au tangata, kia akatangi te kau taunga i te au pu ra; e tei te akarongo anga te au tangata i te tangi o taua pu ra, kua maeva iora te tangata ravarai, e maeva maata, Iosu 6:5; Ebe 11:30e topa pu ua iora taua patu ra ki raro, kua aere atura te tangata katoa ki roto i te oire, ki mua tikai iaia uaorai, e rauka ia ratou taua oire ra.

21Deu 7:2Tapatapai iora ratou i to roto katoa i taua oire ra, i te tane e te vaine, e te tangata ou e te ruaine, i te puakatoro e te mamoe e te asini, ki te mata koke.

22Kua tuatua ana rā Iosua ki nga tangata toko rua i tutaka aere i taua enua ra, E aere korua ki roto i te are o taua vaine akaturi ra, ka arataki mai ei i taua vaine ra ki vao, e tona katoa ra, ta Iosu 2:14; Ebe 11:31korua i taputou atu kiaia ra.

23Kua aere atura aua nga tangata ou i tutaka i te enua ra, e arataki maira ia Rahaba, Iosu 2:13e tona metua tane, e tona metua vaine, e tona ai tungane, e tona katoa ra, ki vao; e kua arataki mai oki i tona katoa ra kopu-tangata ki vao mai ki te puakapa o Iseraela, vaoo iora i reira.

24Pou iora taua oire ra i te taʼuia e ratou ki te ai, e te au mea katoa i roto ra, Iosu 6:19mari ra ko te ario, e te auro, e te au mea veo, e te auri, ko tei tukuia e ratou ki roto i te uipaanga apinga i te are o Iehova ra.

25Kua akaora iorā Iosua ia Rahaba akaturi, e te ngutuare katoa o tona metua tane ra, e tona katoa oki; Mata 1:5e te noo ua nei rai aia i roto ia Iseraela i teianei rai rā, no te mea kua uuna aia i nga veka i tonokia e Iosua e tutaka ia Ieriko ra.

26Kua akataputou aturā Iosua ia ratou i reira, karanga atura, 1 Ari 16:34Kia taumaaia te tangata ki mua i te aroaro o Iehova, ko te tu ki runga e patu i teianei oire ia Ieriko nei; e akamou aia i te tango ma te mate o te tama mua nana, e ma tana tamaiti openga ra e akatu ei aia i te au ngutupa.

27Iosu 1:5I vaitata katoao a Iehova ia Iosua; e tutuki atura Iosu 9:1,3tona rongo e pini ua ake te enua katoa.