1TEIA te au ingoa o te au kopu ra. Eze 47:15&cMei te openga i te pae ki apatokerau e tae ua atu ki uta kia na Hetelona, aere atu ei ki Hamata, Hazara-enana, te kotinga i Damaseko i te pae ki apatokerau ra, ki te enua ra i Hamata, ko nga kotinga oki teia nona mei te pae ki te itinga, e tae rava atu ki te opunga o te rā ra; ko Dana ïa tuanga.
2E na te kotinga o Dana, mei te pae ki te itinga e tae rava atu ki te pae ki te opunga o te rā ra, ko Asera ïa tuanga.
3E na te kotinga o Asera, mei te pae ki te itinga e tae rava atu ki te pae ki te itinga e tae rava atu ki te pae ki te opunga o te rā ra, ko Naphatali ïa tuanga.
4E na te kotinga o Naphatali, mei te pae ki te itinga e tae rava atu ki te pae ki te opunga o te rā ra, ko Manase ïa tuanga.
5E na te kotinga o Manase, mei te pae ki te itinga e tae rava atu ki te pae ki te opunga o te rā ra, ko Epheraima ïa tuanga.
6E na te kotinga o Epheraima, mei te pae ke te itinga e tae rava atu ki te pae ki te opunga o te rā ra ko Reubena ïa tuanga.
7E na te kotinga o Reubena, mei te pae ki te itinga e tae rava atu ki te pae ki te opunga o te rā ra, ko Iuda ïa tuanga.
8E na te kotinga o Iuda, mei te pae ki te itinga e tae rava atu, ki te pae ki te opunga o te rā ra, ei reira Eze 45:1-6te atinga ta kotou e apai okotai takau ma rima tausani kubiti i te pararauare, e te roa oki mei tetai o te au tuanga ïa, mei te pae ki te itinga e tae rava atu ki te pae ki te opunga o te rā ra: e te are tapu ra, ei rotopu ïa i te reira.
9Te atinga ta kotou e apai ia Iehova ra, okotai takau ma rima ïa tausani i te roa, okotai oki ngauru tausani i te pararauare.
10No ratou oki taua atinga tapu nei, no te kau taunga, i te pae ki apatokerau ra, okotai takau ma rima tausani i te roa, e te pae ki te opunga o te rā ra, okotai ngauru tausani i te pararauare, e te pae ki te itinga o te rā ra, okotai ngauru tausani i te pararauare, e te pae ki apatonga ra, okotai takau ma rima tausani i te roa: e te are tapu o Iehova, ei rotopu ïa i te reira.
11Eze 44:15No te kau taunga akatapuia ra te reira i te au tamariki a Zadoka; ko tei akono i te ikuiku naku ra, tei kore i tatipake ka tatipake ei te au tamariki a Iseraela ra, Eze 44:10mei te au ngati Levi i tatipake ra.
12E taua atinga o te enua i apaiia nei, e riro ïa ei mea tapu rava no ratou, na te kotinga o te ngati Levi ra.
13E ki mua mai i te kotinga o te kau taunga ra, ko to te ngati Levi ïa, okotai takau ma rima tausani i te roa, okotai oki ngauru tausani i te pararauare i te roa katoa ra, okotai takau ma rima ïa tausani, e te pararauare, okotai ïa ngauru tausani.
14Exo 22:29; Levi 27:10,28,33Auraka oki ratou e oko i te reira, auraka e okooko, auraka oki e taka ki te popo o taua enua ra: e mea tapu oki na Iehova.
15 Eze 45:6 E nga tausani e rima i toe i te pararauare ra, ki mua mai i nga tausani okotai takau ma rima ra, Eze 42:20ei ngai noa ïa no te oire, ei nooanga, e ei ngai atea: e te oire ra, ei rotopu ïa i te reira.
16Teia oki te au aite o te reira; i te pae ki apatokerau, e a ïa tausani e rima anere, e te pae ki apatonga ra, e a ïa tausani e rima anere, e te pae ki te itinga o te rā ra, e a ïa tausani e rima anere, e te pae ki te opunga o te rā ra, e a ïa tausani e rima anere.
17E te ngai atea o taua oire ra, e rua anere e rima ngauru ki te pae ki apatokerau, e rua oki anere e rima ngauru ki te pae ki apatonga ra, e rua oki anere e rima ngauru ki te pae ki te itinga o te rā ra, e rua oki anere e rima ngauru ki te pae ki te opunga o te rā ra.
18E te toenga o te roa ki mua mai i te atinga tapu ra, okotai ngauru tausani ki te pai ki te itinga o te rā ra, okotai oki ngauru tausani ki te pae ki te opunga o te rā ra: e ei mua mai ïa te reira i te atinga tapu ra, e tei tupu i reira ra, e riro ia ei kai na te aronga e raverave i te oire ra.
19Eze 45:6E te aronga e raverave i te oire ra, e raverave ïa no roto i te au kopu katoa o Iseraela.
20Taua atinga katoa ra, okotai takau oki ma rima ïa i te tausani, okotai takau oki ma rima i te tausani ki tetai pae: e a aro to taua atinga tapu ra kia apai kotou, ma te tuanga katoa ra no te oire.
21 Eze 45:7 E te toenga ra, no te ariki ïa, i teia e i tera pae i te atinga tapu ra, e te tuanga ra no te oire, ki mua mai i te okotai takau ma rima tausani no te atinga, ki te kotinga ki te pae ki te itinga o te rā ra, e te pae ki te opunga o te rā ra, ki mua mai i te okotai takau ma rima tausani ki te kotinga ki te pae ki te opunga o te rā ra, ki mua mai i te au tuanga o te ariki ra: e riro oki te reira ei atinga tapu: Eze 48:8,10e te ngai-tapu no taua are ra, ei rotopu ïa.
22Mei te tuanga mai o te ngati Levi ra, e mei te tuanga mai o te oire tei rotopu i tei te ariki ra; i rotopu i te kotinga o Iuda, e te kotinga o Beniamina, ko to te ariki ïa.
23Kareka te toenga o taua au kopu ra, mei te pae ki te itinga e tae rava atu ki te opunga o te rā ra, ko Beniamina ïa tuanga.
24E na te kotinga o Beniamina, mei te pae ki te itinga e tae rava atu ki te opunga o te rā ra, ko Simeona ïa tuanga.
25E na te kotinga o Simeona, mei te pae ki te itinga e tae rava atu ki te pae ki te opunga o te rā ra, ko Isakara ïa tuanga.
26E na te kotinga o Isakara, mei te pae ki te itinga e tae rava atu ki te pae ki te opunga o te rā ra, ko Zebuluna ia tuanga.
27E na te kotinga o Zebuluna, mei te pae ki te itinga e tae rava atu ki te pae ki te opunga o te rā ra, ko Gada ïa tuanga.
28E na te kotinga o Gada, ki te pae ki apatonga ra, mei Tamara mai taua kotinga ra e tae rava atu ki te Eze 47:19vai taumāro anga ki Kadesa, e tae rava atu ki te kauvai ki te tai maata ra.
29Eze 47:14,21,22Ko ta kotou teianei enua e tua kelero ki te au kopu o Iseraela ei nooanga, e teia oki ta ratou au tuanga, te tuatua maira te Atu ra ko Iehova.
30E teia te roa o taua oire ra, tei te pae ki apatokerau ra, e a ïa tausani e rima ïa anere aite.
31E tapaia oki te Apo 21:12&cau ngutupa o te oire i te au ingoa o te au kopu o Iseraela: e toru ngutupa i te pae ki apatokerau ra; okotai ngutupa no Beniamina, okotai ngutupa no Iuda, okotai ngutupa no Levi.
32E ei te pae ki te itinga o te rā ra, e a ïa tausani e rima anere: e nga ngutupa e toru ra, okotai ngutupa no Iosepha, okotai ngutupa no Beniamina, okotai ngutupa no Dana:
33E ei te pae ki apatonga ra, e a ïa tausani e rima anere aite: e nga ngutupa e toru ra, okotai ngutupa no Simeona, okotai ngutupa no Izakara, okotai ngutupa no Zebuluna.
34E ei te pae ki te opunga o te rā ra, e a ïa tausani e rima anere, e nga ngutupa e toru ra, okotai ngutupa no Gada, okotai ngutupa no Asera, okotai ngutupa no Naphatali.
35Okotai ngauru ma varu i te tausani i te aite kia akapini ra: Iere 33:16e te ingoa o taua oire ra mei taua rā maira, Iere 3:17; Ioela 3:21; Apo 21:3; 22:3TEI REIRĀ IEHOVA.
Who We AreWhat We EelieveWhat We Do
2025 by iamachristian.org,Inc All rights reserved.
